లవ్ రిజెక్ట్ చేసిందని చేతి వేళ్లను కట్ చేశాడు
Crime | Suryaa Desk | Published : Fri, Apr 22, 2022, 12:47 PM
ఉత్తరప్రదేశ్ లోని రాంపూర్ జిల్లాలో దారుణం చోటుచేసుకుంది. తన ప్రేమను రిజెక్ట్ చేసిందని ఓ యువతి చేతి వేళ్లను కట్ చేశాడు ఓ ప్రేమోన్మాది. వివరాల్లోకి వెళితే.. రాంపూర్ లోని సివిల్ లైన్స్ పోలీస్ స్టేషన్ పరిధిలోని జనతా ఆసుపత్రిలో పనిచేస్తున్న ధీరేంద్ర యాదవ్ అనే వ్యక్తి అదే ఆస్పత్రిలో పనిచేస్తున్న ప్రియాంక సక్సేనా అనే యువతిని ప్రేమించాడు. ఆమె కాస్త చనువుగా మాట్లాడటంతో ప్రేమించమని, పెళ్లి చేసుకుంటానని ఆమె వెంటపడ్డాడు. అందుకు ఆమె నిరాకరించడంతో కసితో రగిలిపోయాడు. తన ప్రేమను తిరస్కరించిందనే కోపంతో 2 రోజుల క్రితం ఆమెతో మాట్లాడేందుకని ఇంటికివెళ్లాడు. ఆమె మాట్లాడేందుకు నిరాకరించడంతో కిడ్నాప్ చేయాలనుకున్నాడు. నిందితురాలు పసిగట్టడంతో వెంట తెచ్చుకున్న కత్తితో ప్రియాంక సక్సేనా రెండు చేతి వేళ్లను కట్ చేశాడు. తీవ్ర రక్తస్త్రావం కావడంతో బాధితురాలిని కుటుంబ సభ్యులు స్థానికంగా ఉన్న ప్రభుత్వాసుపత్రికి తరలించారు.
నిందితుడు దీరేంద్రయాదవ్ కి గతంలోనే పెళ్లైంది. ముగ్గురు పిల్లలు ఉన్నారు. తన భర్త ప్రియాంక సక్సేనా వెంటపడుతున్నాడని తెలిసి భార్య గతంలో పోలీసులకు కంప్లైంట్ ఇచ్చింది. అయినా భర్త మారకపోవడంతో ఆమె తన భర్తను వదిలేసి వెళ్లిపోయింది. ఓవైపు కట్టుకున్న భార్య వదిలేయడం, మరోవైపు తాను ప్రేమిస్తున్న యువతి తన ప్రేమను తిరస్కరించడంతో ఉన్మాదిగా మారాడు ధీరేంద్ర యాదవ్ ఈ దారుణానికి ఒడిగట్టాడు.
|
|