ట్రెండింగ్
సంజామలలో గడ్డివాములు దగ్ధం
Andhra Pradesh Telugu | Suryaa Desk | Published : Wed, Apr 27, 2022, 09:12 AM
బనగానపల్లె నియోజకవర్గం లోని సంజామలలో మంగళవారం 7 గడ్డివాములు దగ్ధమయ్యాయి. బైపాస్ రోడ్డు పక్కనే ఉన్న గడ్డివాముల వద్ద ఎవరో గుర్తు తెలియని వ్యక్తులు కాల్చిన సిగరెట్ పడేయడంతో నిప్పు రగిలి ఈ ప్రమాదం జరిగినట్లు తెలుస్తుంది. గ్రామానికి చెందిన వెంకటేశ్వర్లు, వెంకటాచలం, కోటేశు, శివుడు, శివరామకృష్ణ, కిట్టు, పెద్ద కోటేష్ లకు చెందిన ఏడు గడ్డివాములు కానీ బూడిదయ్యాయి.
స్థానికులు మంటలను ఆర్పే ప్రయత్నం చేశారు. చివరికి బనగానపల్లె అగ్నిమాపక కేంద్రానికి సమాచారం ఇవ్వడంతో వారు అక్కడికి చేరుకుని మంటలను అదుపు చేశారు. ఈ ప్రమాదంలో సుమారు రూ. 10లక్షల నష్టం వాటిల్లినట్లు బాధితులు వాపోయారు.
|
|