ట్రెండింగ్
జ‌గ‌న్ ప్రభుత్వంలో తప్పు చేస్తే ఎంతటి వారైనా తప్పించుకోలేరు
Andhra Pradesh Telugu | Suryaa Desk | Published : Wed, Apr 27, 2022, 01:22 PM
తిరుపతి, రుయా అంబులెన్సు ఘటనపై తిరుపతి ఆర్డీఓ, డీఎం అండ్‌ హెచ్ఓ విచారణ జరిపి ఈ ఘటన వాస్తవమే అని నిర్ధారించిన‌ట్లు ఎంపీ గురుమూర్తి తెలిపారు. రుయా సూపరింటెండెంట్ భారతికి షోకాజ్ నోటీసు ఇచ్చామ‌న్నారు. అలాగే రుయా ఆర్ఎంఓ ను సస్పెన్షన్ చేశారు. ఈ ఘటనకు కారకులు, అంబులెన్సుని అడ్డుకున్న నలుగురు డ్రైవర్లపై క్రిమినల్ కేసులు నమోదు చేసిన‌ట్లు తెలిపారు.
అంబులెన్స్ రేట్లను ఖరారు చేయడానికి ఆర్డీఓ, డీఎం అండ్‌ హెచ్ఓ, డీఎస్పీ. ఆర్టీవో ఆధర్వంలో కమిటీని నియమించారు. ఈ రేట్లు అన్ని ప్రదేశాలలో ప్రదర్శించే విధంగా కూడా చర్యలు తీసుకొంటార‌ని ఎంపీ గురుమూర్తి తెలిపారు. ముఖ్యమంత్రి వైయ‌స్ జ‌గ‌న్ ప్రభుత్వంలో తప్పు చేస్తే ఎంతటి వారైనా తప్పించుకొనే అవకాశమే ఉండదని తిరుపతి ఎంపీ గురుమూర్తి హెచ్చ‌రించారు.
|
|