ఏపీలో టెన్త్ మ్యాథ్స్ పేపర్ లీక్..?
Andhra Pradesh Telugu | Suryaa Desk | Published : Mon, May 02, 2022, 05:09 PM
ఆంధ్రప్రదేశ్ రెండేళ్ల తర్వాత నిర్వహిస్తున్న పదో తరగతి పరీక్షలకు లీక్ల బెడద తప్పడం లేదు. పరీక్ష ప్రారంభమయ్యాక ప్రశ్నాపత్రాలు బయట కనిపిస్తే దానిని లీక్గా పరిగణించలేమని, మాల్ ప్రాక్టీస్ అంశం కిందికి వస్తుందని అధికారులు గతంలో చెప్పారు. తాజాగా సోమవారం నిర్వహించిన మ్యాథ్స్ పేపర్ లీక్ అయిందనే వార్తలు కలకలం సృష్టించాయి. కర్నూలు జిల్లా ఆలూరులో ఈ పేపర్ లీక్ అయినట్లు తెలుస్తోంది.
ఓ యువకుడు తన స్నేహితులకు కిటికీల నుంచి చిట్టీ అందించేందుకు యత్నించాడు. అక్కడే విధులు నిర్వహిస్తున్న ఓ సబ్ ఇన్స్పెక్టర్ ఈ విషయాన్ని గమనించి అప్రమత్తమయ్యారు. వెంటనే అప్రమత్తమై ఆ చిట్టీలు అందించే యువకుడిని పట్టుకున్నారు. ఆ యువకుడి ఫోన్లో మ్యాథ్స్ ప్రశ్నాపత్రం కనిపించినట్లు సమాచారం. దీంతో ఆ యువకుడిని పోలీసులు అదుపులోకి తీసుకుని, ఆలూరు సర్కిల్ ఇన్స్పెక్టర్ కార్యాలయంలో పోలీసులు విచారణ చేపట్టారు. ప్రశ్నాపత్రం ఎలా బయటకు వచ్చిందో, ఎవరు దానిన అందించారో అనే విషయాలు తెలుసుకునేందుకు పోలీసులు అతడిని విచారిస్తున్నారు.
|
|