ట్రెండింగ్
పైపు నుండి బయటపడ్డ గుర్తు తెలియని వ్యక్తి మృతదేహం
Andhra Pradesh Telugu | Suryaa Desk | Published : Fri, May 06, 2022, 01:24 PM
ఒక పైపుల కంపెనీలో గుర్తు తెలియని వ్యక్తి మృతదేహం ప్రత్యక్షం కావడం మార్టూరులో సంచలనం రేపింది. విజేత రెస్టారెంట్ సమీపంలో గల విష్ణు పైప్స్ కంపెనీ ఆవరణలో స్టాక్ చేసి ఉన్న పైపు ఒక దానిలో ఈ మృతదేహం బయటపడింది. శుక్రవారం ఉదయం కార్మికులు పైపుల స్టాకు నిల్వలు పరిశీలిస్తుండగా మూడు అడుగుల ఎత్తుగల ఒక ఖానాలో మృతదేహం కాన రావడంతో వారు దిగ్భ్రాంతి చెందారు.
వెంటనే వారు పోలీసులకు సమాచారం అందించారు. మృతుడి వయసు సుమారు 35-40 సంవత్సరాల మధ్య ఉంటుందని, మృతదేహం బాగా కుళ్లిపోయి ఉందని పోలీసులు తెలిపారు.
మృతదేహం పై నలుపు, ఎరుపు చెక్స్ గల షర్టు, నలుపు రంగు ప్యాంట్ ఉన్నాయని, మృతదేహం చీకిపోయి, పురుగులు పట్టి, గుర్తు పట్టడానికి కూడా వీలులేకుండా ఉన్నదని ఎస్సై రవీంద్రా రెడ్డి తెలిపారు. కేసు నమోదు చేసి దర్యాప్తు చేస్తున్నారు
|
|