నేడు చిత్తూరు రానున్న తెదేపా అధినేత చంద్రబాబు
Andhra Pradesh Telugu | Suryaa Desk | Published : Sun, May 08, 2022, 10:34 AM_5604.jpg){kind=tracking}
తెదేపా అధినేత నారా చంద్రబాబునాయుడు ఆదివారం శ్రీకాళహస్తి, చిత్తూరు రానున్నారు. ఉదయం 8. 45 గంటలకు హైదరాబాద్‌ నుంచి బయలుదేరి విమానంలో 10. 25 గంటలకు రేణిగుంట విమానాశ్రయం చేరుకుంటారు. అక్కడి నుంచి రోడ్డు మార్గంలో 11 గంటలకు శ్రీకాళహస్తి సమీపంలోని ఊరందూరు చేరుకుని మాజీ మంత్రి బొజ్జల గోపాలకృష్ణారెడ్డి భౌతికకాయానికి నివాళులర్పిస్తారు. అక్కడి నుంచి బయలుదేరి రోడ్డు మార్గంలో మధ్యాహ్నం 1. 45 గంటలకు చిత్తూరు నగరంలోని రెడ్డిగుంటకు చేరుకుంటారు. అక్కడ ప్రముఖ పారిశ్రామికవేత్త, కోళ్ల పరిశ్రమల దిగ్గజం డాక్టర్‌ ఉప్పలపాటి సుందరనాయుడు శుభస్వీకరణ కార్యక్రమంలో పాల్గొని ఆయనకు నివాళులర్పించనున్నారు. అనంతరం అక్కడి నుంచి తిరుగు ప్రయాణమై రేణిగుంట చేరుకుని విమానంలో హైదరాబాద్‌ వెళ్లనున్నారు. ముందుగా ప్రకటించిన తెదేపా జాతీయ ప్రధాన కార్యదర్శి లోకేశ్‌ చిత్తూరు జిల్లా పర్యటన రద్దయింది.
|
|