పిల్లల్లో నేర ప్రవృత్తి పెరుగుతుంది...బొమ్మ తుపాకులను నిషేధించండి

పాకిస్తాన్ లో కొత్త డిమాండ్, ఆశ్చర్యకర డిమాండ్ తెరపైకి వస్తోంది. బొమ్మ తుపాకులను నిషేధించాలని అక్కడి వారు కోరుతున్నారటా. ఎక్కడైనా తుపాలకి భయపడుతుంటారు. కానీ పాకిస్థాన్‌లో బొమ్మ తుపాకీలకి వణికిపోతున్నారు. పైగా ఆ బొమ్మ గన్‌లను బ్యాన్ చేయాలని డిమాండ్ చేస్తున్నారు. దేశంలో బొమ్మ గన్‌ల‌ విక్రయాలపై నిషేధం విధించాలని ఆల్ పాకిస్థాన్ ప్రైవేట్ స్కూల్ ఫెడరేషన్ డిమాండ్ చేస్తుంది. బొమ్మ గన్‌లు పిల్లల్లో అనేక మానసిక సమస్యలకు కారణమవుతున్నాయని అంటున్నారు.

పాకిస్థాన్ ప్రభుత్వం బొమ్మ గన్‌లని, కృత్రిమ గన్‌లని బ్యాన్ చేయాలని ఏపీపీఎస్‌ఎఫ్ ప్రెసిడెంట్ కాషిఫ్ మీర్జా డిమాండ్ చేశారు. బొమ్మ తుపాకీల అమ్మకాలపై చర్యలు తీసుకోవాలని కోరారు. బొమ్మ తుపాకీలతో పిల్లల్లో నేర ప్రవృత్తి పెరుగుతుందని ఆయన అన్నారు. ఎవరైతే బొమ్మ పైరింగ్ తుపాకీలతో ఆడుకుంటున్నారో.. వారు అనేక మానసిక సమస్యలతో బాధపడుతున్నారని తెలిపారు. బొమ్మ గన్‌లతో ఆడడం వల్ల పాకిస్థానీ యువకుల్లో హింసాత్మక ధోరిణి, నేరాలపై మోజు పెరుగుతుందని అన్నారు.

ఎంత తొందరగా వీలైంతే.. అంత తొందరగా కృత్రిమ, బొమ్మ తుపాకీలపై నిషేధం విధించాలని కోరారు. ఆ బొమ్మలు అమ్మేవారిపై కూడా కఠిన చర్యలు తీసుకోవాలని డిమాండ్ చేశారు. కాగా 2017లో మాజీ కరాచీ కమిషనర్ కూడా బొమ్మ తుపాకీల సేల్స్‌పై నిషేధం విధించాలని లేఖ రాశారు. కృత్రిమ తుపాకీలను వీధి రౌడీలు ఉపయోగిస్తున్నారని, అవి చిన్నారుల మెదళ్లలో ప్రతికూలంగా ప్రభావితం చేస్తున్నాయని లేఖలో పేర్కొన్నారు.

అప్పట్లోనూ బొమ్మ తుపాకీలపై చాలా ఫిర్యాదులు అందాయి. దాంతో కరాచీ పోలీసులు బొమ్మ తుపాకీల షాపులపై దాడులు నిర్వహించి, వేలాది సంఖ్యలో బొమ్మ తుపాకీలను స్వాధీనం చేసుకున్నారు. సంబంధిత షాపు ఓనర్లను అరెస్ట్ చేశారు. కాగా సింధ్ అసెంబ్లీ 2015లో కూడా కృత్రిమ తుపాకీల తయారీ, విక్రయాలపై నిషేధం విధించింది.