కస్టమర్లను ఆకట్టుకొనేలా...వొడాఫోన్ ఐడియా కొత్త ప్లాన్‌లు

కస్టమర్లను ఆకట్టుకొనేందుకు వొడాఫోన్ ఐడియా కొత్త ప్లాన్‌లను తీసుకొస్తోంది. తాజాగా టెలికం సంస్థ వొడాఫోన్ ఐడియా కొత్త ప్లాన్‌ల జోరును కొనసాగిస్తోంది. ఇదే క్రమంలో మరో యాడ్-ఆన్ ప్యాక్‌ను లాంచ్ చేసింది. ఓటీటీ ప్లాట్‌ఫామ్ డిస్నీ+ హాట్‌స్టా్ర్ సబ్‌స్క్రిప్షన్ బెనిఫిట్‌తో కొత్త ప్యాక్‌ను తీసుకొచ్చింది. సోనీ లివ్‌ మొబైల్ యాక్సెస్‌తో ఇటీవలే రూ.82 ప్లాన్‌ను ప్రవేశపెట్టిన వొడాఫోన్ ఐడియా (వి 1) దాన్ని పోలి ఉండేలా తాజాగా రూ.151 ప్యాక్‌ను యూజర్లకు అందుబాటులోకి తెచ్చింది. ఈ ప్లాన్‌తో లభించే బెనిఫిట్స్ ఏంటంటే..

ప్రస్తుతం ఉన్న యాక్టివ్ ప్లాన్‌కు యాడ్ ఆన్‌గా ఇది ఉంటుంది. రూ.151 ప్యాక్‌తో (Vi Rs. 151 Add-on Pack) రీచార్జ్ చేసుకుంటే 8జీబీ డేటా లభిస్తుంది. అలాగే మూడు నెలల పాటు డిస్నీ+ హాట్‌స్టార్ మొబైల్ సబ్‌స్క్రిప్షన్ ఉచితంగా లభిస్తుంది. అయితే 8జీబీ డేటా వ్యాలిడిటీ 30 రోజులుగా ఉంటుంది. కాల్స్, ఎస్ఎంఎస్ బెనిఫిట్స్ ఏమీ ఉండవు.

వొడాఫోన్ ఐడియా ఇటీవల రూ.82 యాడ్-ఆన్ ప్యాక్‌ను లాంచ్ చేసింది. ఈ ప్యాక్‌తో 14 రోజుల వ్యాలిడిటీతో 4జీబీ డేటా దక్కుతుంది. అలాగే 28 రోజుల పాటు సోనీ లివ్ ప్రీమియమ్ సబ్‌స్క్రిప్షన్ లభిస్తుంది.

ఈ ఏడాది క్రికెట్ టోర్నీ ఇండియన్ ప్రీమియర్ లీగ్  మొదలైనప్పటి నుంచి టెలికం సంస్థలు రిలయన్స్ జియో, ఎయిర్‌టెల్, వొడాఫోన్ ఐడియా  పోటాపోటీగా డిస్నీ+ హాట్‌స్టార్ సబ్‌స్క్రిప్షన్‌తో కూడిన ప్లాన్‌లను, ప్యాక్‌లను తీసుకొస్తున్నాయి.

ఈ నెల ప్రారంభంలోనే ఎయిర్‌టెల్ రెండు ప్రీపెయిడ్ ప్లాన్‌లను లాంచ్ చేసింది. రూ.399, రూ.839 ధరతో వీటిని తీసుకొచ్చింది. ఎయిర్‌టెల్ రూ.399 ప్లాన్‌తో 28 రోజుల వ్యాలిడిటీతో ప్రతీరోజు 2.5జీబీ డేటా, అన్‌‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. అలాగే మూడు నెలల పాటు డిస్నీ+ హాట్‌స్టార్ మొబైల్ సబ్‌స్క్రిప్షన్ ఉచితంగా వస్తుంది. రూ.839 ప్లాన్‌‌తో రీచార్జ్ చేసుకుంటే 84 రోజుల వ్యాలిడిటీతో రోజుకు 2జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు, మూడు నెలల పాటు డిస్నీ+ హాట్‌స్టార్ సబ్‌స్క్రిప్షన్ లభిస్తాయి. కాగా, రిలయన్స్ జియో కూడా మూడు నెలల డిస్నీ+ హాట్‌స్టార్ సబ్‌స్రిప్షన్ లభించేలా ఇటీవల రూ.333, రూ.583, రూ.783 ప్రీపెయిడ్ ప్లాన్‌లను ప్రవేశపెట్టింది.