ట్రెండింగ్
ఘనంగా హనుమంతుడి జయంతి
Bhakthi | Suryaa Desk | Published : Thu, May 26, 2022, 01:33 PM
కొత్తచెరువు మండల వ్యాప్తంగా హనుమాన్ జయంతి సందర్భంగా జైశ్రీరామ్ నామంతో ఆంజనేయస్వామి దేవాలయాలు మారు మ్రోగాయి. మండల కేంద్రంలోని మరువ ఆంజనేయ స్వామి, కాలువ గడ్డ ఆంజనేయ స్వామి దేవాలయాలలో పురోహితులు భాస్కర్ రాజేష్, వికటకవి సాయి, బుజ్జి, గిరి, శ్రీకాంత్ లు వేద మంత్రోచ్ఛారణల నడుమ మూల విరాట్టులకు పంచామృతాభిషేకం, బిల్వార్చన, ఆకు పూజ, గణపతి పూజ, నవగ్రహ పూజలను నిర్వహించారు.
అనంతరం ఆంజనేయ స్వామి మూలవిరాట్ లను తులసిమాల, వడమాల, తమలపాకు ఆహారాల తోను, రంగు రంగు పుష్పాలతో శోభాయ మానంగా అలంకరించి, పూజలు నిర్వహించారు. అనంతరం మహా మంగళ హారతి నిర్వహించి భక్తులకు తీర్థప్రసాదాలు అందజేశారు. హనుమత్ జయంతి సందర్భంగా కాలువగడ్డ ఆంజనేయస్వామి ధర్మకర్త దివ్య తేజ అన్నదాన కార్యక్రమాన్ని నిర్వహించారు. ఈ కార్యక్రమంలో భక్తులు ప్రజలు అధిక సంఖ్యలో పాల్గొన్నారు.
|
|