మధుమేహులు తీసుకోవాల్సిన జాగ్రత్తలివే
Life style | Suryaa Desk | Published : Thu, May 26, 2022, 02:18 PM
వేసవిలో షుగర్ పేషంట్ లు పలు ఇబ్బందులను ఎదుర్కొంటారు. ఒంట్లోని నీరంతా చమట రూపంలో బయటకు వెళ్లిపోవడం వల్ల నీరు, లవణాల సమతూకం దెబ్బతింటుంది. దీంతో తరచూ డీహైడ్రేషన్, వడదెబ్బలకు లోనవుతుంటారు. నీరసంతో కూలబడుతుంటారు. రక్తంలో గ్లూకోజ్ శాతాలు కూడా హెచ్చుతగ్గులకు లోనవుతుంటాయి. కాబట్టి వేసవిలో ఎదురయ్యే ఈ ప్రత్యేక పరిస్థితులను తట్టుకునేందుకు షుగర్ బాధితులు కొన్ని జాగ్రత్తలు తీసుకోవాలి. అవేంటో ఇప్పుడు తెలుసుకుందాం.
వేసవిలో మధుమేహులు తీసుకోవాల్సిన జాగ్రత్తలు..
- నీరు, పళ్ల రసాలు, ద్రవ పదార్థాలను తీసుకోవాలి.
- దప్పిక వేయకున్నా తరచూ మంచి నీటిని తాగాలి.
- ఎప్పుడూ ఒక వాటర్ బాటిల్ వెంటే ఉంచుకోవాలి.
- వాతావరణం చల్లగా ఉండే ఉదయం, సాయంత్రం మాత్రమే వ్యాయామం చేయాలి,
- మందులను చల్లటి ప్రాంతంలోనే ఉంచాలి.
- షుగర్ మందుల వల్ల వేసవిలో చర్మం సున్నితంగా మారే అవకాశం ఉంది. కాబట్టి, బయటకు వెళ్తున్నప్పుడు తప్పనిసరిగా సన్స్క్రీన్ లోషన్ లను రాసుకోవాలి.
- పాదాలను ఎప్పుడూ పరిశుభ్రంగా ఉంచుకోవాలి.
- కాలి వేళ్లకు సాధ్యమైనంత వరకు ఎండ తగలకుండా చూసుకోవాలి.
- తరచూ బ్లడ్, షుగర్ పరీక్షలు చేయించుకుంటూ ఉండాలి.
|
|