బన్నీ సినిమాలో అక్కినేని హీరో... సూపర్ స్టార్ సినిమాలో నందమూరి హీరో... త్రివిక్రమ్ ట్రికీ స్ట్రాటజీ
Andhra Pradesh Telugu | Suryaa Desk | Published : Thu, May 26, 2022, 03:19 PM
దాదాపు పదకొండేళ్ల తరవాత మళ్ళీ ఇప్పుడు త్రివిక్రమ్-మహేష్ ల సూపర్ హిట్ కాంబోలో ఒక సినిమా రానుంది. వీరిద్దరి కలయికలో 2005లో వచ్చిన అతడు ఎంత సూపర్ హిట్టో అందరికీ తెలిసిందే. ఆ తరవాత 2010లో వచ్చిన ఖలేజా ఆశించిన స్థాయిలో ప్రేక్షకులను ఆకట్టుకోలేకపోయింది. కానీ వీరిద్దరి కాంబో పై ప్రేక్షకులలో మంచి అంచనాలున్నాయి.
ఇటీవలే పూజా కార్యక్రమాన్ని జరుపుకున్న ఈ మూవీ సూపర్ స్టార్ కెరీర్లో 28 వ సినిమా. ప్రస్తుతం ఈ సినిమాకు SSMB #28 అనే వర్కింగ్ టైటిల్ ను పెట్టారు. ఇందులో పూజా హెగ్డే నాయికగా నటిస్తుంది. ఈ మూవీ పై రోజుకొక ఇంటరెస్టింగ్ న్యూస్ హల్చల్ చేస్తుంది. తాజాగా ఈ మూవీ అప్డేట్ ఒకటి నెట్టింట షికారు చేస్తుంది. మహేష్ 28వ చిత్రంగా తెరకెక్కనున్న ఈ చిత్రంలోని ఒక ముఖ్యమైన పాత్రలో నందమూరి హీరో తారకరత్న నటించనున్నారట. ఈ మేరకు త్రివిక్రమ్ తారకరత్నతో చర్చలు కూడా జరిపినట్టు సమాచారం. ఈ విషయమై త్వరలోనే అధికారిక ప్రకటన వెలువరించనున్నారట దర్శకుడు త్రివిక్రమ్. గతంలో త్రివిక్రమ్ బన్నీతో చేసిన "అల వైకుంఠపురంలో" సినిమాలో అక్కినేని వారసుడు సుశాంత్ కు ఛాన్స్ ఇచ్చినట్టే... ఇప్పుడు నందమూరి వారసుడు తారకరత్నకు ఛాన్స్ ఇస్తున్నట్టు తెలుస్తుంది.
|
|