పెళ్లికి ముందే ఇది కూడా ఓ‌ సారి చెక్ చేసుకోండి...లేకపోతే అంతే మరి

మారుతున్న కాలం నేపథ్యంలో మారుతున్న మానవ సంబంధాలు, విపత్కర లైంగిక సంబంధాల గురించి వినాల్సి వస్తోంది. అందుకే మీరు వివాహామాడుతున్నారా అయితే పెళ్లి కోడుకు పెళ్లికోడుకో కాదు అన్ని విధాలా మరి చెక్ చేసుకోండి, పెళ్లి కూతురు నిజంగా పెళ్లి కూతురేనా అన్నది కూడా కచ్చితంగా చెక్ చేసుకోండి. లేకపోతే ఒడిశాలో ఓ యువకుడు మోసపోయినట్లు మోసపోవాల్సి వస్తుంది.

వివాహం జరిగిన కొన్ని క్షణాలకే పెళ్లికొడుకుకి ఊహించని షాక్ తగ్గిలింది. నచ్చిన అమ్మాయితో కొత్త జీవితం మొదలైందనే సంతోషం కాస్తా రెండు క్షణాల్లో మాయం అయిపోయింది. తాను ప్రేమించి పెళ్లాడింది అమ్మాయిని కాదని తెలుసుకుని.. హృదయం బద్ధలైంది. ఈ విచిత్రమైన సంఘటన ఒడిశాలోని భద్రక్ జిల్లాలో చోటుచేసుకుంది.

పశ్చిమ బెంగాల్‌లోని నార్త్ 24 పరగణాలు జిల్లాకు చెందిన అలోక్ కుమార్ మిస్త్రీ, కేంద్రపాడ జిల్లాలోని రామనగర్ గ్రామానికి చెందిన బిస్వనాథ్ మండల్ కుమార్తె మేఘనా మండల్‌‌తో ఫేస్‌బుక్‌లో పరిచయం ఏర్పడింది. కేవలం 15 రోజుల స్నేహంలో వీరిద్దరూ ప్రేమలో పడ్డారు. తర్వాత ఇద్దరూ పెళ్లి చేసుకోవాలని నిర్ణయించుకున్నారు. ఇందులో బాగంగా మే 24న జాజ్‌పుర్‌లోని ఛండీఖోల్‌లో కలుసుకున్నారు. తర్వాత అలోక్ కుమార్.. మేఘనాని బసుదేవ్‌పూర్‌లోని కాసియాలో ఉన్న తన మేనమామ ఇంటికి తీసుకెళ్లి వారికి పరిచయం చేశారు.

ఇద్దరి ప్రేమ గురించి తెలుసుకున్న అలోక్ కుమార్ కుటుంబ సభ్యులు వారి పెళ్లికి అంగీకరించారు. అనుకున్న వెంటనే ఇద్దరికి ఎంతో ఘనంగా పెళ్లి చేశారు. అదేరోజు సాయంత్రం కుటుంబ సమేతంగా రిసెప్షన్ కూడా ఏర్పాటు చేశారు. ఆ రిసెప్షన్‌లోనే అసలు బండారం బయటపడింది. రిసెప్షన్‌కు వచ్చిన స్థానిక వ్యక్తి వధువును మేఘన అని కాకుండా మేఘనాథ్ అని పిలిచాడు. దాంతో పెళ్లికొడుకు అలోక్, అతని కుటుంబం షాక్ అయ్యారు. అతని పేరు మేఘనాథ్ అని, తన దూరపు బంధువని ఆ అతిథి చెప్పాడు. అలా పెళ్లి కూతురు అమ్మాయి కాదు.. అబ్బాయి తెలిసుకుని వరుడు, అతని కుటుంబ సభ్యులు కంగుతిన్నారు.

దాంతో గ్రామస్థుల మేఘనాథ్‌ను చితకబాదారు. అతని బట్టలు చింపివేశారు. అతని పొడవాటి జుట్టును కత్తిరించారు. అనంతరం దీనిపై పోలీసులకు ఫిర్యాదు చేశారు. వారు వచ్చి మేఘనాథ్ను అతని కుటుంబసభ్యులకు అప్పగించారు. అలా కోటి ఆశలతో పెళ్లి చేసుకున్ని ఓ యువకుడి ఆశలన్నీ అర నిమిషంలో తారుమారైపోయాయి. పాపం అతనికి ఊహించని పరిస్థితి ఎదురైంది. ఫేస్‌బుక్ పరిచయం అంత కొంపముంచింది. ఇప్పటికైనా ఫేస్ బుక్ పరిచయాలు పరిమితంగా ఉంచుకొంటేనే మేలని ఈ సంఘటన మనకు తెలియజేస్తుంది.