అక్రమ నాటుసారా తయారీకి సహకరిస్తున్న ఇద్దరు వ్యక్తులు అరెస్ట్
Andhra Pradesh Telugu | Suryaa Desk | Published : Sat, May 28, 2022, 08:16 PM
అక్రమంగా నాటుసారా తయారు చేస్తున్న వ్యక్తులకు సహకరిస్తున్న ఇద్దరు వ్యక్తులను స్పెషల్ ఎన్ఫోర్స్మెంట్ బ్యూరో పోలీసులు అరెస్టు చేసిన సంఘటన శృంగవరపుకోట నియోజకవర్గం కొత్తవలస మండలంలో చోటుచేసుకుంది. వివరాల్లోకి వెళితే. కొత్తవలస స్పెషల్ ఎన్ఫోర్స్మెంట్ బ్యూరో పోలీసులు ఈనెల 21వ తేదీన కొత్తవలస మండలం రామలింగాపురం గ్రామంలో అక్రమ నాటుసారా స్థావరాలపై నిర్వహించిన దాడుల్లో ఇద్దరు వ్యక్తులు పట్టుబడ్డారు.
ఇదిలా ఉంటే నాటుసారా తయారీకి కావలసిన సామగ్రిని ఎక్కడి నుండి తీసుకువస్తున్నారు? అలాగే అక్రమంగా నాటుసారా తయారీ చేసేందుకు ఎవరు సహకరిస్తున్నారు? అనే సమాచారాన్ని పట్టుబడిన ఇద్దరు వ్యక్తుల నుండి ఎసిబి పోలీసులు సేకరించారు. ఈ నేపథ్యంలో అక్రమ నాటుసారా తయారీకి కావలసిన సామగ్రిని అందించే రామలింగాపురం గ్రామానికి చెందిన సిమ్మ నాయుడు అలాగే దేవరాపల్లి మండలం చిననందిపల్లి గ్రామానికి చెందిన వనుం అప్పలనాయుడులను కొత్తవలస ఎస్ ఈ బి పోలీసులు శనివారం అరెస్ట్ చేసి రిమాండ్కు తరలించారు.
|
|