దీర్ఘకాలంలో డబ్బు ఇన్వెస్ట్ కు ఏ సంస్థ మేలు చేస్తుంది

మన అవసరాలను బట్టి మన పెట్టుబడి కాల వ్యవధి నిర్ణీతమవుతుంది. అది స్వల్పకాలికమా లేక దీర్ఘకాలికమా అన్నది. అయితే దీర్ఘకాలంలో డబ్బులు ఇన్వెస్ట్ చేయాలని ఆలోచించే వారికి స్మాల్ క్యాప్ మ్యూచువల్ ఫండ్స్ మంచి ఆప్షన్ అని చెప్పుకోవచ్చు. వాల్యూ రీసెర్చ్ ప్రకారం.. 7 ఏళ్లలోపు ఇన్వెస్ట్‌మెంట్ టార్గెట్ అయితే వారికి స్మాల్ క్యాప్ మ్యూచువల్ ఫండ్స్‌కు దూరంగా ఉండటం మంచిది. అదే మీ టార్గెట్ 7 ఏళ్లు పైన అయితే వీటిల్లో డబ్బులు పెట్టొచ్చు. దీనికి ఒక ఊదాహరణ చెప్పుకోవచ్చు. నిప్పాన్ ఇండియా స్మాల్ క్యాప్ ఫండ్ ఇన్వెస్టర్లకు భారీ లాభాన్ని అందించి పెట్టింది. గత ఏడేళ్ల కాలంలో రూ.10 వేల సిప్ (సిస్టమ్యాటిక్ ఇన్వెస్ట్‌మెంట్ ప్లాన్) ఇన్వెస్ట్‌మెంట్‌ను ఏకంగా రూ.17.58 లక్షలుగా మార్చేసింది. అంటే ఇది కళ్లుచెదిరే రాబడి అని చెప్పుకోవచ్చు.

ఈ స్మాల్ క్యాప్ మ్యూచువల్ ఫండ్ సిప్ వార్షిక రాబడి 24.7 శాతంగా ఉంది. గత మూడేళ్లలో మొత్తం రాబడి దాదాపు 94 శాతం. అదే ఐదేళ్ల కాలంలో చూస్తే ఫండ్ వార్షిక రాబడి 17.45 శాతంగా ఉంది. మొత్తం రాబడి 123.68 శాతం అని చెప్పుకోవచ్చు. 2010 సెప్టెంబర్ 16 ఆరంభం నుంచి చూస్తే ఈ మ్యూచువల్ ఫండ్ వార్షిక రాబడి దాదాపు 20 శాతంగా ఉంది. మొత్తం రాబడి 750 శాతం కన్నా పైమాటే అని చెప్పుకోవచ్చు.

సిప్ క్యాలిక్యులేటర్ ప్రకారం చూస్తే.. ఇన్వెస్టర్లు ప్రతి నెలా రూ.10 వేల సిప్ ఇన్వెస్ట్‌మెంట్‌ను కొనసాగిస్తూ వచ్చి ఉంటే.. మూడేళ్ల కాలంలో రూ.5.86 లక్షలు పొందే వారు. అదే ఐదేళ్ల పాటు సిప్ పెట్టుబడులను కొనసాగించి ఉంటే.. రూ.10.49 లక్షలకు వచ్చేవి. అలాగే ఏడేళ్ల వరకు సిప్ ఇన్వెస్ట్‌మెంట్లను కొనసాగించి ఉంటే.. పెట్టుబడి విలువ రూ. 17.58 లక్షలుగా మారేది. అంటే ఇది అదిరే రాబడి అని చెప్పుకోవాలి. నిప్పాన్ ఇండియా స్మాల్ క్యాప్ ఫండ్ డైరెక్ట్ ప్లాన్, ఎస్‌బీఐ స్మాల్ క్యాప్ ఫండ్ డైరెక్ట్ ప్లాన్, యాక్సిస్ స్మాల్ క్యాప్ ఫండ్ డైరెక్ట్ ప్లాన్, కోటక్ స్మాల్ క్యాప్ ఫండ్ డైరెక్ట్ ప్లాన్, కెనరా రొబెకో స్మాల్ క్యాప్ ఫండ్ డైరెక్ట్ ప్లాన్ వంటివి దీర్ఘకాలంలో ఇన్వెస్టర్లకు మంచి రాబడిని అందించాయని నిపుణులు పేర్కొంటున్నారు. ఇకపోతే మ్యూచువల్ ఫండ్స్‌లో కూడా రిస్క్ ఉంటుందని గుర్తించుకోవాలి. అందువల్ల డబ్బులు పెట్టడానికి ముందు ఇన్వెస్ట్‌మెంట్ నిపుణుల సలహాలు, సూచనలు తీసుకోవడం ఉత్తమం. లేదంటే డబ్బులు ఇన్వెస్ట్ చేసినా కూడా నష్టాలు పొందాల్సి రావొచ్చు.