పేలుళ్లలకు చెక్ పెట్టేలా...ఎలక్ట్రిక్ బైక్ లకు ఈవీ బ్యాటరీలు
national | Suryaa Desk | Published : Thu, Jun 02, 2022, 04:22 AM
ఎలక్ట్రిక్ బైక్ లు పేలుతున్న నేపథ్యంలో వాటిపై నజర్ పెట్టిన కేంద్ర ప్రభుత్వం తాజాగా కొన్ని మార్పలు చేపట్టింది. ఎలక్ట్రిక్ టూవీలర్లు పేలుళ్ల ఘటనలు పెరగడంతో.. కేంద్ర ప్రభుత్వం సరికొత్త నిబంధనలను ప్రవేశపెట్టబోతుంది. ఎలక్ట్రిక్ టూవీలర్లకు ఈవీ బ్యాటరీ స్టాండర్స్‌ను ప్రవేశపెట్టబోతుంది.తొలుత ఈవీ టూవీలర్లకు ఈ నిబంధనలను అమల్లోకి తెచ్చి.. ఆ తర్వాత కార్లకు ఈ నిబంధనలను వర్తింపజేయాలని ప్రభుత్వం చూస్తోంది. ఈ విషయాన్ని వినియోగదారుల వ్యవహారాల మంత్రిత్వ శాఖకు చెందిన అధికారులు తెలిపారు.
ఈవీ బ్యాటరీలకు తెచ్చే బీఐఎస్ ప్రమాణాలు సైజు, కనెక్టర్స్ స్పెషిఫికేషన్లు, సెల్స్ మినిమమ్ క్వాలిటీ, బ్యాటరీ కెపాసిటీ వంటి వాటిని పరిశీలిస్తాయి. ఈవీ బ్యాటరీలకు బీఐఎస్ ప్రమాణాలను తీసుకొచ్చేందుకు బ్యాటరీ ఇండస్ట్రీ వాటాదారులతో సంప్రదింపులు జరుపుతున్నట్టు మంత్రిత్వ శాఖకు చెందిన వర్గాలు తెలిపాయి. నేషనల్ బ్యాటరీ స్వాపింగ్ పాలసీ దిశలో తొలి అడుగుగా బీఐఎస్ ప్రమాణాలను అర్జెంట్‌గా తీసుకురావాల్సి ఉందని నీతి ఆయోగ్ తెలిపింది.
ఇటీవల ఎలక్ట్రిక్ వాహనాలలో పేలుళ్ల ఘటనలు బాగా వెలుగులోకి వచ్చిన సంగతి తెలిసిందే. ఈ పేలుళ్లకు ప్రధాన కారణం బ్యాటరీలేనని తేలింది. ఈ ఘటనలను సీరియస్‌గా తీసుకున్న కేంద్ర ప్రభుత్వం బ్యాటరీల కోసం ఈ సరికొత్త ప్రమాణాలను ప్రవేశపెడుతోంది. ఈవీ పేలుళ్లపై ప్రభుత్వం ఏర్పాటు చేసిన విచారణ కమిటీ కూడా బ్యాటరీ సెల్స్, డిజైన్‌లో లోపాలున్నట్టు తన ప్రాథమిక విచారణలో గుర్తించింది.
|
|