ఇది దేశభక్తి అంటే...దేశం కోసం మేమే సైతం అంటూ గన్ పట్టిన గేలు

దేశభక్తి అంటే ఏమిటో నిరూపిస్తున్నారు ఉక్రెయిన్ వాసులు. దేశం కోసం రష్యాపై పోరాడేందుకు సామాన్యులు సైతం గన్ లు చేతబడుతున్నారు.  నిజానికి యుద్ధం మొదలయ్యేటప్పుడు సామాన్యుల దగ్గర నుంచి సెలబ్రిటీల వరకు ఆయుధాలను పట్టుకోవడానికి సిద్ధమయ్యారు. ప్రపంచ దేశాలను ఆశ్చర్యపరిచేలా 80 ఏళ్ల, 90 ఏళ్ల వృద్ధులు కూడా యుద్ధానికి సై అన్నారు. వాటికి సంబంధించిన వీడియోలు సోషల్ మీడియాలో కనిపించాయి. కొందరు సెలబ్రిటీలు యుద్ధంలో ప్రాణాలు కోల్పోయారు.

యుద్ధంలో సామాన్యులు, సెలబ్రిటీలే కాదు గే కపుల్ (స్వలింగ సంపర్కులు) కూడా భాగమయ్యారు. ఒలెక్సాండర్ జుహాన్, ఆంటోనినా రొమానోవా  అనే ఇద్దరు.. వార్‌లో పాల్గొన్నారు. తమ మాతృభూమి కోసం వారిద్దరూ ఆయుధాలు చేతబట్టి.. సమరం చేస్తున్నారు. వారు చేస్తున్న గొప్ప పనికి నెటిజన్లు ఫిదా అయిపోయారు. నిజానికి ఒలెక్సాండర్ జుహాన్, ఆంటోనినా రొమానోనా యుద్ధానికి ముందు ఓ థియేటర్‌లో పని చేసేవారు. ఈ జంట చాలా కష్టాలను ఎదుర్కొన్నారు. వారిద్దరు 2014లో పుతిన్ తూర్పు ద్వీపకల్పాన్ని అక్రమంగా స్వాధీనం చేసుకున్న సమయంలో క్రిమియా నుంచి కీవ్‌కు పారిపోయి వచ్చారు.

ఫ్రిబవరి 24 రష్యా దాడి ప్రారంభమైన తర్వాత ఆ ఇద్దరూ తమ బాత్రూమ్‌లో రెండు రోజులు దాక్కున్నారు. తర్వాత సాయుధ దళాలల్లో చేరాలని నిర్ణయించుకున్నారు. అప్పుడు వారు ముందు మూడే మార్గాలున్నాయి. బాంబు షెల్టర్‌లో తలదాచుకోవడం, డిఫెన్స్‌గా వాలంటీర్లుగా చేరడం, పారిపోవడం. అయితే రష్యా దళాలు చేస్తున్న దమనకాండను చూసిన వారు యుద్ధంలో దిగడానికి మొగ్గు చూపించారు. అయితే సైన్యంలో కూడా వివక్షతను ఎదుర్కోవాల్సి ఉంటుందని వారి భావించారు. అయినా సరే అదే నిర్ణయంతో ముందుకు వెళ్లారు. వారి నిర్ణయాన్ని ఉక్రెయిన్ ఆర్మీ కూడా స్వాగతించింది. ఆర్మీలో వారు ఎటువంటి వివక్షతను ఎదుర్కోవలేదు.

ఇదిలావుంటే రష్యా భీకర దాడులను ఎదుర్కొంటూ ఉక్రెయిన్ ధైర్యంగా తలపడుతుంది. బాంబుల వర్షం కురిపించినా క్షిపణులను ప్రయోగించినా.. ఏ మాత్రం వెనక్కి తగ్గడం లేదు. నెత్తుటేర్లు పారుతున్నా వెనుకడుగు వేయకుండా రష్యాను నిలవరిస్తూనే ఉంది. తల వంచేది లేదనే విషయాన్ని ప్రకటిస్తూనే ఉంది. అందరి అంచనాలను తారుమారు చేస్తూ ఉక్రెయిన్ తన ఆత్మాభిమానాన్ని చాటుకుంటుంది.

అయితే దక్షిణ ఉక్రెయిన్‌లోని మైకోలైవ్‌ను కవర్ చేసిన తర్వాత ఒలెక్సాండర్ న్యుమోనియా బారిన పడ్డాడు. దాంతో మే నెలలో విరామం తీసుకున్నారు. మే 25న తిరిగి యుద్ధంలోకి వెళ్లారు. "రష్యా బలగాలు ఇక్కడ ప్రజల ప్రాణాలను తీయడమే కాదు.. మా సంస్కృతిని కూడా దెబ్బతీస్తున్నాయి." అందుకే మా సంస్కృతి కోసం పోరాడుతున్నామని గర్వంగా చెబుతున్నారు. వీరి గురించి తెలిసి నెటిజన్లు ప్రశంసిస్తున్నారు. వారికి సెల్యూట్‌ చేస్తున్నారు. దేశం కోసం తమ ప్రాణాలను ఫణంగా పెట్టిన ఆ జంట ఎంతోమందికి ఆదర్శమని చాలామంది అంటున్నారు.