ఢిల్లీ వెళ్తున్న జగన్.. లోటు బడ్జెట్ గురించి డిమాండ్ చేస్తారా?
Andhra Pradesh Telugu | Suryaa Desk | Published : Thu, Jun 02, 2022, 01:06 PM
ముఖ్య‌మంత్రి వైయ‌స్ జ‌గ‌న్‌మోహ‌న్‌రెడ్డి ఢిల్లీ ప‌ర్య‌ట‌న‌కు బ‌య‌ల్దేరారు. గ‌న్న‌వ‌రం ఎయిర్‌పోర్టు నుంచి ప్రత్యేక విమానంలో బ‌య‌ల్దేరిన సీఎం వైయ‌స్ జగన్.. మ‌ధ్యాహ్నం ఢిల్లీకి చేరుకోనున్నారు. ఢిల్లీ పర్యటనలో భాగంగా ఈరోజు సాయంత్రం 4.30 గంట‌ల‌కు ప్రధానమంత్రి నరేంద్ర మోడీతో సీఎం వైయ‌స్ జగన్ భేటీ కానున్నారు. రాష్ట్రానికి సంబంధించిన అంశాల‌పై ప్ర‌ధానితో చ‌ర్చించ‌నున్నారు. అనంతరం పలువురు కేంద్రమంత్రులతో సీఎం వైయ‌స్ జగన్ భేటీ కానున్నారు. ఈ సందర్భంగా టీడీపీ నాయకులూ బుద్ధా వెంకన్న మాట్లాడుతూ... రాష్ట్రపతి ఎన్నికల్లో మా మద్దతు లేకపోతే బిజేపికి దిక్కులేదని ప్రగల్భాలు పలుకుతున్న జగన్ రెడ్డి ప్రత్యేక హోదా, పోలవరం కి నిధులు, విశాఖ ఉక్కు, లోటు బడ్జెట్ గురించి డిమాండ్ చేస్తారా? లేక మోదీ కాళ్ళ మీద పడి కేసుల నుండి విముక్తి కలిగించాలని కోరతారా? అని ప్రశ్నించారు.
|
|