మీకు అనువైన డాటా ప్యాక్...వొడా ఫోన్ ఐడియాలో పొందండిలా

టెలికాం రంగంలో పెరుగుతున్న పోటీ కారణంగా పలు కంపెనీలు పలు  రకాల  ఆఫర్లతో కస్టమర్లను ఆకట్టుకొనే పనిలో పడ్డాయి. తాజాగా వొడా ఫోన్ ఐడియా బంపర్ ఆఫర్లను ప్రకటించింది. ప్రముఖ టెలికం సంస్థ వొడాఫోన్ ఐడియా అన్ని రేంజ్‌ల్లో ప్రీపెయిడ్ ప్లాన్‌లను అందిస్తోంది. ఇటీవల కొన్ని కొత్త ప్లాన్‌లను కూడా లాంచ్ చేసింది. దీంతో విభిన్న బెనిఫిట్స్‌తో ప్లాన్‌లు అందుబాటులోకి వచ్చాయి. అయితే, రోజులో ఎక్కువ డేటా కావాలనుకునే వారికి కూడా వొడాఫోన్ ఐడియా (వీ) కొన్ని ప్లాన్‌లను అందుబాటులో ఉంచింది. ముఖ్యంగా వర్క్‌ఫ్రమ్ హోమ్ చేసే వారికి ఈ ప్లాన్‌లు ఉపయోగకరంగా ఉంటాయి. ఇలా అధిక డేటా కోరుకునే యూజర్ల కోసం వొడాఫోన్ ఐడియా నాలుగు ప్లాన్‌లను ఇస్తోంది. వీటి ద్వారా రోజుకు 3జీబీ డేటా లభిస్తుంది. అలాగే హీరో అన్‌లిమిటెడ్ బెనిఫిట్స్ కూడా లభిస్తాయి. ఈ ప్లాన్‌ల పూర్తి వివరాలు చూడండి.

వి రూ.359 ప్లాన్‌తో రీచార్జ్ చేసుకుంటే 28 రోజుల వ్యాలిడిటీ దక్కుతుంది. ప్రతీ రోజు 3జీబీ డేటా లభిస్తుంది. అన్‌లిమిటెడ్ కాల్స్, రోజుకు 100ఎస్ఎంఎల్‌లు వాడుకోవచ్చు. వీటితో పాటు హీరో అన్‌లిమిటెడ్ ప్రయోజనాలు దక్కుతాయి.

అర్ధరాత్రి 12 గంటల నుంచి ఉదయం 6 వరకు అన్‌లిమిటెడ్ డేటా వాడుకునే సదుపాయాన్ని ఇచ్చే బింజ్ ఆల్‌నైట్, వారంలో మిగిలిన డేటా శని, ఆదివారాల్లో వాడుకునేలా వీకెండ్ డేటా రోల్ ఓవర్ , ప్రతీ నెలా 2జీబీ అదనపు డేటా లభించే డేటా డిలైట్ బెనిఫిట్స్ ఈ ప్లాన్‌తో లభిస్తాయి.

వొడాఫోన్ ఐడియా రూ.699 ప్లాన్‌

కాస్త ఎక్కువ వ్యాలిడిటీ, అధిక డేటా కావాలనుకునే వారికి ఇది సూటవుతుంది. Vi రూ.699 ప్లాన్‌ తీసుకుంటే 56 రోజుల వ్యాలిడిటీతో రోజుకు 3జీబీ డేటా దక్కుతుంది. అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. అలాగే బింజ్ ఆల్‌నైట్, వీకెండ్ డేటా రోల్‌ఓవర్, డేటా డిలైట్స్ బెనిఫిట్స్ వాడుకోవచ్చు.

వొడాఫోన్ ఐడియా రూ.601 ప్లాన్‌

డిస్నీ+ హాట్‌స్టార్ సబ్‌స్క్రిప్షన్‌ను ఈ ప్లాన్‌ కలిగి ఉంది. రూ.601 ప్లాన్‌ ద్వారా 28 రోజుల వ్యాలిడిటీ వస్తుంది. రోజుకు 3జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు దక్కుతాయి. 16జీబీ డేటా అదనంగా పొందవచ్చు. వీటితో పాటు సంవత్సరం పాటు డిస్నీ+ హాట్‌స్టార్ మొబైల్‌ సబ్‌స్క్రిప్షన్ లభిస్తుంది. బింజ్ ఆల్‌నైట్, వీకెండ్ డేటా రోల్‌ఓవర్, డేటా డిలైట్ ప్రయోజనాలు దక్కుతాయి.

వొడాఫోన్ ఐడియా రూ.901 ప్లాన్‌తో రీచార్జ్ చేసుకుంటే 70 రోజుల వ్యాలిడిటీ దక్కుతుంది. ప్రతీ రోజు 3జీబీ డేటా, 100ఎస్ఎంఎస్‌లు, అన్‌లిమిటెడ్ కాల్స్ లభిస్తాయి. అలాగే 48జీబీ డేటా అదనంగా దక్కుతుంది. సంవత్సరం పాటు డిస్నీ+ హాట్‌స్టార్ మొబైల్‌ సబ్‌స్క్రిప్షన్ పొందవచ్చు. వీటితో పాటు బింజ్ ఆల్‌నైట్, వీకెండ్ డేటా రోల్‌ఓవర్, డేటా డిలైట్ బెనిఫిట్స్ లభిస్తాయి.

ఈ ప్లాన్‌లతో Vi మూవీస్, టీవీ సబ్‌స్క్రిప్షన్ కూడా ఉచితంగా లభిస్తుంది. రోజులో 3జీబీ డేటా అయిపోయాక 64Kbps వేగంతో ఇంటర్నెట్ వాడుకోవచ్చు.