క్యాప్సికం తినడం వల్ల చాల కలిగే ప్రయోజనాలు

సాధారణంగా క్యాప్సికమ్ ను తినడానికి చాలా మంది ఇష్టపడరు. కానీ ఇది తింటే ఎన్నో ఆరోగ్య ప్రయోజనాలు కలుగుతాయి. క్యాప్సికమ్‏ను బెల్ పెప్పర్ అని కూడా పిలుస్తారు. క్యాప్సికమ్‏ను ఎక్కువగా సలాడ్‏లలో, ఫాస్ట్ ఫుడ్, ఇతర వంటలతో వాడుతుంటారు. ఇందులో విటమిన్లు పుష్కలంగా ఉన్నాయి. అలాగే అనేక వ్యాధులను నియంత్రించడంలోనూ క్యాప్సికమ్ సహాయపడుతుంది. ప్రయోజనాలు..
క్యాప్సికమ్‏లో యాంటీ ఆక్సిడెంట్, యాంటీ ఇన్ఫ్లమేటరీ పోషకాలు ఎక్కువగా ఉంటాయి. ఇవి గ్యాస్ట్రిక్ క్యాన్సర్, ఎసోఫాగియల్ క్యాన్సర్, ప్రోస్టేట్, మూత్రాశయం, గర్భాశయ, ప్యాంక్రియాస్ క్యాన్సర్ ప్రమాదాన్ని తగ్గిస్తాయి. క్యాప్సికమ్ లో విటమిన్ సి పుష్కలంగా ఉంటుంది. ఇది బలమైన కొల్లాజెన్ ‏ను నిర్మించడంలో సహాయపడుతుంది. అలాగే ఆర్థరైటిస్ ప్రమాదాన్ని తగ్గిస్తుంది. ఇది కణాలను ఆక్సీకరణ ప్రమాదం నుంచి రక్షించడమే కాకుండా.. రోగ నిరోధక శక్తిని మెరుగుపరుస్తుంది. క్యాప్సికమ్ లో లైకోపీన్, పొటాషియం పుష్కలంగా ఉన్నాయి. ఇది హోమోసిస్టీన్ స్థాయిలను తగ్గిస్తుంది. అలాగే గుండెను ఆరోగ్యంగా ఉంచుతుంది. రక్తపోటును నియంత్రిస్తుంది. క్యాప్సికమ్ జ్యూస్ జీర్ణశయాందతర ప్రేగు వ్యాధులు అయిన డైస్పెప్పియా, డయేరియా, అల్సర్ సమస్యలను తగ్గిస్తుంది.
క్యాప్సికమ్ రక్త ప్రవాహాన్ని మెరుగుపరుస్తుంది. క్యాప్సికమ్ జుట్టు రాలడాన్ని తగ్గిస్తుంది. డైహైడ్రో టెస్టోస్టెరాన్ ప్రభావాల నుంచి జుట్టు కుదుళ్లను మెరుగుపరుస్తుంది. క్యాప్సికమ్ లో బీటా కెరోటిన్, విటమిన్ సి అధికంగా ఉంటాయి. ఇది కళ్ల మాక్యులర్ క్షీణతను తగ్గిస్తుంది. అలాగే వయసు సంబంధిత సమస్యలను కూడా నియంత్రిస్తుంది. క్యాప్సికమ్ లో యాంటీఆక్సిడెంట్లు ఉన్నాయి. ఇవి ఫ్రీరాడికల్స్ కు వ్యతిరేకంగా పోరాడతాయి. అలాగే చర్మ సమస్యలను తగ్గిస్తాయి. వృద్ధాప్య సంకేతాలను నియంత్రిస్తాయి.