మైనర్ బాలిక కిడ్నాప్.. కేసు నమోదు
Andhra Pradesh Telugu | Suryaa Desk | Published : Thu, Jun 09, 2022, 12:24 PM
ములకలచెరువు మండల కేంద్రమైన నల్లగుట్టల్లో ఉంటున్న ఎం చరణ్ కుమార్(25) పై పొక్సో కేసు నమోదు చేసినట్లు పోలీసులు తెలిపారు. సత్యసాయి జిల్లా గాండ్లపెంట కు చెందిన చరణ్ కుమార్ నల్లగుట్టలో నివాసం ఉంటూ టమాట మండిలో పనులు చేసుకుంటూ ఉండే వాడని, అదే నల్లగుట్ట కు చెందిన ఓ మైనర్ బాలిక(17) ను, తన మాయమాటలతో ఏడాదిగా లైంగిక దాడికి పాల్పడుతున్నట్లు పోలీసులు తెలిపారు.
ఇటీవల ఆ బాలికను కిడ్నాప్ చేసి తీసుకెళ్లాడని ఆ బాలిక తల్లిదండ్రులు ములకలచెరువు పోలీసులకు ఫిర్యాదు చేశారు. కేసు నమోదు చేసిన పోలీసులు ఈ నెల 6న ఆ బాలిక హిందూపురంలో ఉన్నట్లు గుర్తించారు. ఈ విషయమై మదనపల్లి డీఎస్పీ రవి మనోహరచారి, ఎస్సై ఎర్రి స్వామి బుధవారం ములకలచెరువు నల్లగుట్టలోని బాధితురాలి కుటుంబసభ్యులను విచారణ చేపట్టారు. ఈ సందర్భంగా డీఎస్పీ మాట్లాడుతూ.. నిందితుడిపై పొక్సో కేసు నమోదు చేసినట్లు తెలిపారు. నిందితుడికి శిక్ష పడేలా కఠిన చర్యలు తీసుకుంటామని పేర్కొన్నారు.
|
|