బీహార్ లో దొంగ స్పైడర్ మ్యాన్...అతను ఎం చేశాడో తెలుసా

దొంగతనం చేయడం అంత ఈజీ ఏమీ కాదు. కానుగుణంగా తనను తాను మార్చుకోకపోతే దొంగతనం చేయడం కూడా కష్టమేనండొయ్. ఈ దొంగ స్పైడర్ మ్యాన్ చేసిన పనిని చూస్తే పై విధంగా వ్యాఖ్యానించకతప్పదు.  మీరు ఇప్పటి వరకూ ఎన్నో దొంగతనాలకు సంబంధించిన వీడియోలు చూసి ఉంటారు. కానీ ఇలాంటి వీడియోను బహుశా చూడకపోయి ఉండొచ్చు. ఓ దొంగ కదులుతున్న రైల్లో నుంచి రెప్పపాటులో ఫోన్ కొట్టేశాడు. బ్రిడ్జి రెయిలింగ్ మీది నుంచి స్పైడర్ మ్యాన్‌లా వేలాడుతూ.. రైల్లో తలుపు వద్ద కూర్చొని ఫోన్ చూస్తున్న ప్రయాణికుడి దగ్గర్నుంచి ఫోన్ కొట్టేశాడు. చేతిలో ఉన్న ఫోన్‌ను ఎవరో లాగేసుకున్నట్టు అనిపించడంతో.. ఆ యువకుడు ఆశ్చర్యపోయాడు. కాసేపయ్యాక గానీ తన ఫోన్‌ను బ్రిడ్జి మీద ఉన్న వ్యక్తి కొట్టేశాడని తెలుసుకోలేకపోయాడు.

బిహార్‌లోని బెగూసరాయ్‌లో కదులుతున్న రైల్లో ఈ ఘటన చోటు చేసుకుంది. ఆ దొంగ ఎంతో తెలివిగా తన ముఖాన్ని కవర్ చేసుకొని ఫోన్ కొట్టేశాడు. వెనుక నుంచి ఎవరో వీడియో తీశారు కాబట్టి.. ఫోన్ కొట్టేశారని నమ్ముతాం కానీ.. లేదంటే రైలు తలుపు దగ్గరున్న ఆ కుర్రాడే ఫోన్ జారవిడిచాడేమో అనుకుంటాం. అది కూడా స్లో మోషన్లో చూస్తేనే ప్రయాణికుడి చేతిలోని ఫోన్‌ను ఓ వ్యక్తి లాగేసుకున్నాడని అర్థం అవుతుంది.

రైలు నదిపై ఉన్న వంతెన మీది నుంచి వెళ్తుండగా.. ఇద్దరు ప్రయాణికులు రైలు తలుపు దగ్గర కూర్చొని కాళ్లు బయటకు పెట్టి ఆస్వాదిస్తుంటారు. వారిలో ఒక యువకుడు ఫోన్లో బహుశా వీడియో తీస్తున్నాడేమో.. కాసేపట్లోనే అతడి చేతిలో ఫోన్ మాయమైంది. దీంతో ఆశ్చర్యపోవడం అతడి వంతైంది. ఈ వీడియో సోషల్ మీడియాలో వైరల్‌గా మారింది.