దేశ వ్యాప్తంగా కాంగ్రెస్ శ్రేణుల ఆందోళన..పలు చోట్లు అరెస్ట్ లు
national | Suryaa Desk | Published : Mon, Jun 13, 2022, 09:51 PM
రాహుల్ గాంధీ విషయంలో ఆందోళన వ్యక్తం చేస్తూ కాంగ్రెస్ పార్టీ శ్రేణులు దేశ వ్యాప్తంగా ఆందోళనకు దిగాయి. పలు చోట్ల అరెస్టులు నెలకొన్నాయి. కాంగ్రెస్ పార్టీ అగ్ర నేత రాహుల్ గాంధీని ఈడీ విచారణకు పిలవడాన్ని నిరసిస్తూ ఆ పార్టీ శ్రేణులు దేశవ్యాప్తంగా ఆందోళనలకు దిగిన సంగతి తెలిసిందే. ఈ క్రమంలో దేశ రాజధాని ఢిల్లీ సహా దేశంలోని పలు ప్రధాన నగరాల్లో ఆందోళనలకు దిగిన కాంగ్రెస్ నేతలను పోలీసులు అరెస్ట్ చేశారు.
ఈ క్రమంలో ఢిల్లీలో ఈడీ కార్యాలయం ముందు నిరసనకు దిగిన పార్టీ సీనియర్ నేత కేసీ వేణుగోపాల్ను అరెస్ట్ చేసిన పోలీసులు ఆయనను తుగ్లక్ రోడ్ పోలీస్ స్టేషన్కు తరలించారు. అరెస్ట్ సందర్భంగా ఆయనను పోలీసులు దాదాపుగా ఈడ్చుకెళ్లినట్లుగా తీసుకెళ్లారు. ఈ పెనుగులాటలో ఆయన చొక్కా చిరిగిపోయింది.
పోలీసులు తన పట్ల దురుసుగా వ్యవహరించిన తీరుపై కేసీ వేణుగోపాల్ ఆగ్రహం వ్యక్తం చేశారు. ఈ క్రమంలో అరెస్ట్ చేసిన నేతలను విడుదల చేస్తున్నట్లు పోలీసులు ప్రకటించినా... పోలీసుల వైఖరిని నిరసిస్తూ వేణుగోపాల్ పీఎస్లోనే దీక్షకు దిగారు. ఈ విషయం తెలుసుకున్న పార్టీ ప్రధాన కార్యదర్శి ప్రియాంకా గాంధీ నేరుగా తుగ్లక్ రోడ్ పోలీస్ స్టేషన్కు చేరుకున్నారు. చొక్కా చిరిగిన స్థితిలో కనిపించిన వేణుగోపాల్ను చూసిన ప్రియాంకా గాంధీ పోలీసుల తీరుపై ఆగ్రహం వ్యక్తం చేశారు. సీనియర్ రాజకీయవేత్తలతో వ్యవహరించేది ఇలాగేనా? అంటూ ఆమె పోలీసులపై ఫైరయ్యారు.
|
|