ఆకర్షిస్తున్న డీసీబీ బ్యాంక్‌లో వడ్డీరేట్లు

బ్యాంకు డిపాజిట్ దార్లకు డీసీబీ బ్యాంక్‌లో వడ్డీరేట్లు ఆకర్షణీయంగా ఉన్నాయి. ఇదిలావుంటే డబ్బులు ఎఫ్‌డీ చేసేటప్పుడు కొన్ని విషయాలు తెలుసుకోవాలి. ఎక్కువ వడ్డీ అందించే బ్యాంక్‌ను ఎంచుకోండి. లిక్విడిటీ ఇబ్బందులు రావొచ్చు. అలాగే ఒక్కసారి డబ్బులు పెట్టిన తర్వాత మెచ్యూరిటీ వరకు ఆగాల్సిందే. లేదంటే చార్జీలు, తక్కువ వడ్డీ వంటి ప్రతికూలతలు ఉంటాయి.

మోస్ట్ పాపులర్ ఇన్వెస్ట్‌మెంట్ ఆప్షన్ అంటేనే ఫిక్స్‌డ్ డిపాజిట్లు అని చెప్పుకోవచ్చు. చాలా మంది ఎఫ్‌డీలను సిఫార్సు చేస్తారు. ఎందుకంటే ఈక్విటీ మార్కెట్లతో పోలిస్తే వీటిల్లో రిస్క్ తక్కువగా ఉంటుంది. ఫిక్స్‌డ్ డిపాజిట్లను టర్మ్ డిపాజిట్లు అని కూడా పిలుస్తారు. బ్యాంక్ ప్రాతిపదికన ఎఫ్‌డీ రేట్లు కూడా మారతాయి. అలాగే టెన్యూర్ మారినా కూడా వడ్డీ రేటు మారుతుంది. అందువల్ల ఇప్పుడు మనం 1, 2, 3, 5 ఏళ్ల కాల పరిమితితో ఏ ఏ బ్యాంక్‌లో ఎంత వడ్డీ రేటు ఉందో ఒకసారి తెలుసుకుందాం.

ఇదిలావుంటే ఏడాది కాలానికి ఆర్‌బీఎల్ బ్యాంక్ 6.25 శాతం వడ్డీని అందిస్తోంది. డీసీబీ బ్యాంక్‌లో వడ్డీ రేటు 6 శాతం ఉంది. ఐడీఎఫ్‌సీ ఫస్ట్ బ్యాంక్ అయితే 6 శాతం వడ్డీని ఆఫర్ చేస్తోంది. ఇండస్ఇండ్ బ్యాంక్‌లో కూడా ఇదే వడ్డీ రేటు ఉంది. బంధన్ బ్యాంక్‌లో 5.75 శాతం వడ్డీ పొందొచ్చు. అదే మీరు రెండేళ్ల టెన్యూర్‌ను ఎంచుకుంటే.. డీసీబీ బ్యాంక్‌లో 6.5 శాతం వడ్డీ ఉంది. ఇండస్ఇండ్ బ్యాంక్, ఆర్‌బీఎల్ బ్యాంకుల్లో కూడా ఇదే వడ్డీ రేటు వర్తిస్తుంది. బంధన్ బ్యాంక్‌లో అయితే 6.25 శాతం వడ్డీ పొందొచ్చు. ఐడీఎఫ్‌సీ ఫస్ట్ బ్యాంక్‌లో వడ్డీ రేటు 6 శాతంగా కొనసాగుతోంది.

ఈ టెన్యూర్‌లో డబ్బులు పెట్టాలని భావిస్తే.. డీసీబీ బ్యాంక్ 6.5 శాతం వడ్డీని ఆఫర్ చేస్తోంది. ఇండస్ఇండ్ బ్యాంక్ కూడా ఇదే వడ్డీ రేటు ఇస్తోంది. ఆర్‌బీఎల్ బ్యాంక్ అయితే 6.3 శాతం వడ్డీని అందిస్తోంది. బంధన బ్యాంక్‌లో వడ్డీ రేటు 6.25 శాతంగా, ఐడీఎఫ్‌సీ ఫస్ట్ బ్యాంక్‌లో 6 శాతంగా ఉంది.

డీసీబీ బ్యాంక్ 6.6 శాతం వడ్డీని ఆఫర్ చేస్తోంది. ఇండస్ఇండ్ బ్యాంక్‌లో వడ్డీ రేటు 6.5 శాతంగా ఉంది. ఆర్‌బీఎల్ బ్యాంక్‌లో రేటు 6.3 శాతం. ఐడీఎఫ్‌సీ ఫస్ట్ బ్యాంక్ అయితే 6.25 శాతం వడ్డీ పొందొచ్చు. కోటక్ మహీంద్రా బ్యాంక్‌లో వడ్డీ రేటు 5.9 శాతంగా వడ్డీ కొనసాగుతోంది.