ఆయనతో లంచ్ వెరీ కాస్ట్లీ గురూ

వారెన్ బఫెట్ తో కలసి భోజనం చేయడం చాలా ఖరీదైన పని. వారెన్ బఫెట్ పేరు తెలియని వారు ఉండరని చెప్పడంలో అతిశయోక్తి లేదేమో. చాలా మందికి ఈయన తెలుసు. ప్రపంచ కుబేరుల్లో ఈయన కూడా ఒకటి. ప్రపంచంలోనే దిగ్గజ ఇన్వెస్టర్లలో ఒకరు. బర్క్‌షైర్ హాత్‌‌వే చైర్మన్ అయిన ఈయన ఎప్పటికప్పుడు అత్యంత ఖరీదైన లంచ్ గెస్ట్‌లలో తన వారసత్వాన్ని మరోసారి సుస్థిరం చేసుకున్నారు. ఈ బిలియనీర్ ఇన్వెస్టర్‌తో కలిసి భోజనం చేయడానికి ప్రతి ఏటా వేలం నిర్వహిస్తారు. వారెన్ బఫెన్‌తో కలిసి భోజనం చేయడానికి ఏకంగా 19 మిలియన్ డాలర్లు చెల్లించడానికి ఓ వ్యక్తి రెడీ అయ్యాడు. 

వారెన్ బఫెట్ లంచ్ గెస్ట్‌కు ఇది గరిష్ట రేటు అని చెప్పుకోవచ్చు. 2019లో వేలం ధర 4.57 మిలియన్ డాలర్లగా నమోదు అయ్యింది. క్రిప్టో కరెన్సీ ఎంట్రప్రెన్యూర్ జస్టిన్ సన్ ఈ వేలంలో ఎక్కువ బిడ్ దాఖలు చేసి వారెన్ బఫెట్‌తో లంచ్ చేశారు. 2020, 2021లో వేలం నిర్వహించలేదు. దీనికి కరోనా వైరస్ పాండమిక్ కారణంగా చెప్పుకోవచ్చు. ఇలా వారెన్ బఫెట్‌తో కలిసి భోజనం చేయడానికి వేలం పాటను 2000 సంవత్సరం నుంచి నిర్వహిస్తున్నారు. మధ్యలో రెండు మూడు సార్లు మినహాయిస్తే ప్రతి ఏటా వేలం పాట పెరుగుతూనే వచ్చింది. అయితే ఈసారి మాత్రం బిడ్ రేటు భారీగా పైకి చేరింది. కాగా వారెన్ బఫెట్ ఏ విషయం గురించి అయినా మాట్లాడతారు. కానీ తన తదుపరి ఇన్వెస్ట్‌మెంట్ ఎక్కడ పెడతారో మాత్రం వెల్లడించరు. కాగా వేలంలో విజేతగా నిలిచిన వ్యక్తి సహా మరో ఏడుగురు గెస్ట్‌లతో కలిసి వారెన్ బఫెట్ లంచ్‌లో పాల్గొననున్నారు. మనహాటన్‌లోని స్మిత్ అండ్ వొలెన్‌స్కీ స్టీక్‌హౌస్‌లో ఈ లంచ్ ఉంటుంది.

ఈసారి వేలంలో దీని కోసం ఏకంగా 19 మిలియన్ డాలర్ల బిడ్ లభించింది. ఇబే లిస్టింగ్ ప్రకారం.. ఒక వ్యక్తి వారెన్ బఫెన్‌తో కలిసి భోజనం చేయడానికి ఏకంగా 19 మిలియన్ డాలర్లు చెల్లించడానికి రెడీ అయ్యాడు. మన కరెన్సీలో చెప్పుకుంటే దీని విలువ దాదాపు రూ. 148 కోట్లకు పైమాటే.

ఇలా వేలం ద్వారా సేకరించిన డబ్బులను శాన్‌ఫ్రాన్సికో బేస్డ్ ఛారిటీ గ్లిడే అందజేస్తారు. ఈ వేలం ఆరంభ బిడ్ 25 వేల డాలర్ల నుంచి ప్రారంభం అవుతుంది. సోమవారం నాటికి ఈ రేటు 2 మిలియన్ డాలర్లకు చేరింది. అలాగే బిడ్‌కు చివరి రోజు అయిన శుక్రవారం వచ్చే సరికి బిడ్ రేటు 11 మిలియన్ డాలర్లకు వెళ్లింది. దీంతో పోటీ తీవ్రతరం అయ్యింది. చివరకు వచ్చేసరికి బిడ్ పాట భారీగా పెరిగిపోయింది. ఇక చివరి నిమిషంలో ఈ బిడ్ రేటు 19 మిలియన్ డాలర్లకు ఎగసింది.