కస్టమర్లను ఆకట్టుకొనేలా రెనాల్డ్ కంపెనీ..భారీ డిస్కౌంట్

వ్యాపార విస్తరణపై రెనాల్డ్ కార్ల కంపెనీ పలు ఆఫర్లను ప్రకటించింది. తన కార్లపై భారీ డిస్కౌంట్ ఇస్తోంది. ఈ డిస్కౌంట్ ప్రచారం కోసం, అమ్మకాలను పెంచుకునేందుకు రెనాల్ట్ కంపెనీ సోషల్ మీడియా కంపెనీ టిక్‌టిక్‌తో జత కట్టింది. యువతను ఆకట్టుకునేందుకు షార్ట్, ఎంటర్‌టైనింగ్ వీడియోలను రూపొందిస్తోంది. రెనాల్ట్ ఇప్పటికే ఫేస్‌బుక్, ఇన్‌స్టాగ్రామ్, లింక్డిన్, ట్విటర్, యూట్యూబ్ వంటి సోషల్ మీడియా సైట్లలో ఉంది. టిక్‌టాక్‌తో జత కట్టిన తొలి కారు కంపెనీగా రెనాల్ట్ నిలిచింది.

రెనాల్ట్ ఇండియా తన కార్లపై బంపర్ ఆఫర్ ప్రకటించింది. క్విడ్ హ్యాచ్‌బ్యాక్, కిగర్ కంపాక్ట్ ఎస్‌యూవీ, ట్రైబర్ ఎంపీవీలపై ఈ నెలలో రూ.లక్ష వరకు డిస్కౌంట్‌ను అందిస్తున్నట్టు తెలిపింది. ఈ డిస్కౌంట్ ఆఫర్ల గురించి పూర్తి వివరాలను కంపెనీ వెల్లడించింది. ప్రస్తుతం ఈ ఫ్రెంచ్ కారు కంపెనీ తన కార్ల ఆన్‌లైన్ బుకింగ్స్‌ను చేపడుతోంది. అయితే ఏ కారుపై ఎంత డిస్కౌంట్‌ను అందిస్తుందో కింద చూద్దాం..

రెనాల్ట్ క్విడ్.. రెనాల్ట్ ఎంట్రీ లెవల్ క్విడ్ హ్యాచ్‌బ్యాక్ కారుపై కంపెనీ రూ.35 వేల వరకు డిస్కౌంట్‌ను అందిస్తోంది. అంతేకాక కస్టమర్లకు రూ.37 వేల వరకు స్పెషల్ లోయల్టీ బోనస్, రూ.10 వేల ఎక్స్చేంజ్ బోనస్ అందుబాటులో ఉన్నాయి. మొత్తంగా ఈ కారుపై రూ.82 వేల వరకు డిస్కౌంట్‌ను అందిస్తోంది రెనాల్ట్. రెనాల్ట్ క్విడ్ ధర రూ.4.62 లక్షల నుంచి ప్రారంభమవుతుంది.

రెనాల్ట్ కిగర్ కిగర్ లాంచ్ కంపెనీకి ఎంతో కలిసి వచ్చిందనే చెప్పొచ్చు. రెనాల్ట్ బెస్ట్ సెల్లింగ్ కారుగా కిగర్ నిలుస్తోంది. ఈ కారుపై రెనాల్ట్ కంపెనీ రూ.55 వేల లోయల్టీ బోనస్‌ను, రూ.10 వేల కార్పొరేట్ డిస్కౌంట్‌ను అందిస్తోంది. అంతేకాక గ్రామీణ కస్టమర్లకు స్పెషల్ ఆఫర్‌ను ప్రకటించింది. స్క్రాపేజ్ పాలసీ కింద రూ.10 వేల ఎక్స్చేంజ్ బోనస్‌ను కస్టమర్లు పొందవచ్చు. దీంతో మొత్తంగా ఈ వెహికిల్‌ కొనుగోలు చేస్తే రూ.75 వేల ప్రయోజనం పొందవచ్చు. రెనాల్ట్ కిగర్ ధర రూ.5.99 లక్షల నుంచి ప్రారంభమవుతుంది.

రెనాల్ట్ ట్రైబర్ .. 7 సీటర్ ట్రైబర్ రెనాల్ట్ కంపెనీకి చెందిన పాపులర్ కంపెనీ. జూనె నెలలో ఈ కారుపై రూ.40 వేల వరకు డిస్కౌంట్‌ను పొందవచ్చు. అంతేకాక రూ.44 వేల వరకు స్పెషల్ లోయల్టీ బోనస్‌ను, స్క్రాపేజ్ పాలసీ కింద రూ.10 వేల ఎక్స్చేంజ్ బోనస్‌ను కస్టమర్లు పొందవచ్చు. మొత్తంగా ఈ వెహికిల్‌పై రూ.94 వేల డిస్కౌంట్ కస్టమర్లకు లభిస్తుంది. రెనాల్ట్ ట్రైబర్ ధర ఎక్స్‌షోరూంలలో రూ.5.88 లక్షల నుంచి ప్రారంభమవుతుంది.