సుబ్రహ్మణ్యం భార్యకు ప్రభుత్వ ఉద్యోగం
Andhra Pradesh Telugu | Suryaa Desk | Published : Tue, Jun 21, 2022, 11:47 PM
కాకినాడకు చెందిన డ్రైవర్ సుబ్రహ్మణ్యం హత్య సంచలనం రేపింది. ఎమ్మెల్సీ అనంతబాబు ఈ కేసులో అరెస్టై.. రాజమండ్రి సెంట్రల్ జైల్‌లో ఉన్నారు. ఆయన్ను ఇప్పటికే వైఎస్సార్‌సీపీ నుంచి సస్పెండ్ చేసిన సంగతి తెలిసిందే. ఆయన బెయిల్ పిటిషన్‌ను కోర్టు తిరస్కరించింది. మరోవైపు ఈ కేసును సీబీఐకి అప్పగించాలని సుబ్రహ్మణ్యం తల్లి నూకరత్నం అంటున్నారు. ఈ మేరకు గవర్నర్, సీఎస్, డీజీపీలకు లేఖ రాశారు.
ఇదిలావుంటే కాకినాడలో ఎమ్మెల్సీ అనంతబాబు మాజీ కారు డ్రైవర్ సుబ్రహ్మణ్యం హత్య సంగతి తెలిసిందే. జగన్ సర్కార్ ఆ కుటుంబానికి అండగా నిలిచింది. ఇచ్చిన మాట ప్రకారం.. సుబ్రహ్మణ్యం భార్య అపర్ణకు ప్రభుత్వ ఉద్యోగం ఇచ్చింది. జిల్లా వైద్య ఆరోగ్యశాఖలో జూనియర్‌ అసిస్టెంట్‌గా ఉద్యోగం ఇచ్చారు. ఎస్సీ, ఎస్టీ (పీవోఏ) చట్టం కింద అపర్ణకు ఉద్యోగమిచ్చారు.. కలెక్టర్‌ కృతికా శుక్లా స్పందన కార్యక్రమంలో ఉత్తర్వులను ఆమెకు అందజేశారు. అపర్ణ అర్హత ధ్రువపత్రాలను పరిశీలించి, కాంపేషనేట్‌ నియామక ఉత్తర్వులు జారీ చేయాలని.. కాకినాడ జిల్లా వైద్య ఆరోగ్యశాఖాధికారి ఎ.హనుమంతరావును కలెక్టర్‌ ఆదేశించారు.
|
|