ట్రక్కులో శవాలు...అక్రమ రవాణ వల్లేనా

అమెరికా వెళ్లాలన్నది ప్రతి ఒక్కరి స్వప్నం. అందుకే కొందరు అక్రమ రవాణా కోసం కూడా యత్నిస్తుంటారు. అలా యత్నించి ప్రాణాలు సైతం పోగొట్టుకొంటూ ఉంటారు. ఇదిలావుంటే అమెరికాలోని ఓ ట్రక్కులో 40కిపైగా మృతదేహాలు కనిపించాయి. దాంతో స్థానికంగా కలకలం రేగింది. మెక్సికోలోని శాన్ ఆంటోనియోలో రిమోట్ బ్యాక్ రోడ్డులో వెళ్తున్న ఆ ట్రక్కులో 46 మృతదేహాలను అధికారులు గుర్తించారు. ట్రక్కులో ఉన్న మరో 16 మందిని శాన్ ఆంటోనియాలోని ఆస్పత్రికి తరలించారు. అందులో నలుగురు పిల్లలు కూడా ఉన్నారు. వీరంతా వడదెబ్బతో, అలసటతో బాధపడుతున్నారని అధికారులు చెప్పారు.

సోమవారం సాయంత్రం ఆరు గంటల సమయంలో ట్రక్కు సరిహద్దు దాటుతుండగా అందులోని ఓ కార్మికుడు సహాయం కోసం కేకలు వేశాడు. దాంతో స్థానికంగా ఉన్న పోలీసులు అప్రమత్తం అయ్యాయని, ట్రక్కులోకి వెళ్లి చూడగా చాలామంది పడి ఉన్నారని పోలీసు చీఫ్ విలియం మెక్‌మానస్ చెప్పారు. వారి శరీరాలన్నీ వేడిగా ఉన్నాయని, వారంతా డీ హైడ్రైట్ అయి మరణించినట్టు తెలుస్తుంది. అలాగే ఆ టక్కుల్లో కనీసం నీళ్లు కూడా కనిపించలేదని పోలీసులు తెలిపారు. ఈ ఘటనకు సంబంధించి ఇప్పటికే ముగ్గురిని అదుపులోకి తీసుకున్నట్టు తెలియజేశారు.

అయితే ట్రక్కులో ఉన్నవారంతా దక్షిణ టెక్సాస్ ప్రాంతానికి అక్రమంగా వలస వెళ్లేందుకు ప్రయత్నించినట్టుగా అధికారులు అనుమానిస్తున్నారు. ఈ క్రమంలోనే వారు ప్రాణాలు కోల్పోయినట్టు భావిస్తున్నారు. అయితే ట్రక్కులో వెళ్తున్నవారు ఎలా చనిపోయారనే విషయంపై పూర్తి దర్యాప్తు చేపడుతున్నామని స్థానిక అధికారులు చెప్పారు. దీనిపై మరిన్ని వివరాలు తెలియాల్సి ఉంది. ఈ మేరకు అధికారులు దర్యాప్తు చేపట్టారు.

అయితే గతంలో కూడా మెక్సికో నుంచి అమెరికా సరిహద్దును దాటడానికి ప్రయత్నించి చనిపోయిన విషాద ఘటనలు ఉన్నాయి. అలాంటి ఘోరమైన విషాదాలలో ఇది ఒకటి. 2017లో శాన్ ఆంటోనియోలోని వాల్‌మార్ట్ దగ్గర ఆపి ఉంచిన ట్రక్కులో చిక్కుకుని పది మంది వలసదారులు మరణించారు. 2003లో శాన్ ఆంటోనియోకు ఆగ్నేయంగా ఉన్న ట్రక్కులో 19 మంది వలసదారులను కనుగొనడం జరిగింది. అయితే అలా వారు ఎంతకాలం అలా రోడ్డు పక్కన వదిలివేయబడ్డారో తెలియరాలేదు.