కౌన్సిలింగ్ కు పెలిస్తే...పోలీసులపై పిడిగుద్దులు కురిపించాడు
national | Suryaa Desk | Published : Wed, Jul 06, 2022, 02:33 AM
పోలీస్ స్టేషన్ లో అడుగుపెడితే ఎవరికైనా వణుకుపుడుతుంది. అలాంటి స్టేషన్ లో ఫైట్ సీన్ అంటే మామూలు విషయం కాదు. ఇకపోతే హీరోలు పోలీసులపై ఫైట్ చేసే సీన్లు సాధారణంగా సినిమాల్లో కనిపిస్తాయి. కానీ ఇలాంటి స్టంట్ రియల్గానూ జరిగింది. యూపీలోని పోలీస్స్టేషన్లో ఓ యువకుడు రెచ్చిపోయాడు. స్టేషన్లో పోలీసుపైనే పంచ్లు కురిపించాడు. గృహ హింస కేసుకు సంబంధించి కౌన్సెలింగ్కు పిలిచిన ఓ వ్యక్తి.. ఉత్తరప్రదేశ్లోని మెయిన్పురి జిల్లాలోని పోలీస్ స్టేషన్లో ఓ పోలీసుపై దాడికి పాల్పడ్డాడు.
పోలీస్ స్టేషన్లో కౌన్సెలింగ్ నిర్వహిస్తున్న సమయంలో ఆ యువకుడు పోలీసుతో వాగ్వాదానికి దిగాడు. కొంతసేపు తర్వాత నిగ్రహాన్ని కోల్పోయి విధుల్లో ఉన్న పోలీసుపై అటాక్ చేశాడు. తన చేతులతో తీవ్రంగా కొట్టాడు. ఆవేశానికి లోనైన సదరు వ్యక్తి సహనం కోల్పోయాడు. ఆ కోపంతో పోలీసుపై దాడి చేశాడు. దీనికి సంబంధించిన వీడియో బయటకొచ్చింది. ఈ మేరకు నిందితుడిపై కేసు నమోదు చేసి అదుపులోకి తీసుకున్నారు.
అయితే ఆ వ్యక్తి మానసిక అనారోగ్యంతో బాధపడుతున్నాడని అతని కుటుంబం పోలీసులకు చెప్పినట్టు మెయిన్పురి ఏఎస్పీ మధువన్ కుమార్ చెప్పారు. "గృహ హింస ఫిర్యాదుపై అతన్ని పిలిచారు. లోపల ఉన్న ఒక పోలీసు అధికారిని కొట్టాడు. అతను మానసిక అనారోగ్యంతో బాధపడుతున్నాడని అతని కుటుంబం చెప్పింది. దానికి సంబంధించిన పత్రాలను అందజేస్తే మేము దానిని పరిగణనలోకి తీసుకుంటాం." అని అధికారి తెలిపారు.
|
|