ట్రెండింగ్
గంజాయి తరలిస్తున్న కారు బోల్తా
Andhra Pradesh Telugu | Suryaa Desk | Published : Sat, Jul 09, 2022, 10:22 AM
గంజాయి తరలిస్తున్న కారు బోల్తా పడడంతో ముగ్గురు మృతి చెందారు. శనివారం అర్థరాత్రి జరిగిన సంఘటన వివరాలు ఇలా ఉన్నాయి. ఉత్తరప్రదేశ్ రిజిస్ట్రేషన్ కలిగి గంజాయి తరలిస్తున్న కారు పార్వతీపురం నుంచి విజయనగరం వెళ్తున్న మార్గమధ్యలో దత్తిరాజేరు మండలం షికారగంజి కూడలిలో జాతీయ రహదారి పక్కన నిర్మాణంలో ఉన్న కల్వర్టు వద్ద అతి వేగంగా కారు నడపడంతో అదుపుతప్పి కారు బోల్తా పడింది. సంఘటనా స్థలంలోనే ముగ్గురు అక్కడికక్కడే మృతి చెందారు. గజపతినగరం సి. ఐ డి. రమేష్ దర్యాప్తు చేస్తున్నారు. మృతుల వివరాలు తెలియాల్సి ఉంది.
|
|