నాటి దండయాత్రను స్మరించుకొంటూ...షింజో అబే హత్యపై చైనాలో సంబరాలు
international | Suryaa Desk | Published : Sat, Jul 09, 2022, 02:33 PM
నాటి దండయాత్రను స్మరించుకొంటూ జపాన్ మాజీ ప్రధాని షింజో అబే హత్యపై చైనాలో సంబరాలు చేసుకొన్నారు. షింజో అబే హత్యపై ప్రపంచాన్ని నివ్వెరపరిస్తే చైనా మాత్రం అందుకు భిన్నంగా స్పందిస్తోంది. షింజో హత్యను కొందరు చైనీయులు సామాజిక మాధ్యమాల ద్వారా సెలబ్రేట్ చేసుకుంటే, మరికొందరు హంతకుడిని ‘హీరో’గా అభివర్ణించారు. ఈ విషయాన్ని ఆస్ట్రేలియాకు చెందిన చైనీస్ పొలిటికల్ కార్టూనిస్ట్, ఆర్టిస్ట్, హక్కుల కార్యకర్త బడియెకావో తన ట్విట్టర్ ఖాతా ద్వారా ప్రపంచానికి వెల్లడించారు. పశ్చిమ జపాన్‌లోని నారా నగరంలో షింజో ఎన్నికల ప్రచారంలో మాట్లాడుతుండగా దుండగుడు జరిపిన కాల్పుల్లో ఆయన తీవ్రంగా గాయపడ్డారు. ఆ తర్వాత చికిత్స పొందుతూ కన్నుమూశారు. ఈ విషయం తెలిసిన వెంటనే చైనీయులు కొందరు తమ సోషల్ మీడియా ప్లాట్‌ఫామ్స్ ‘వీబో’, ‘వియ్‌చాట్’లలో డెత్ విషెస్ చెప్పుకున్నారు.
షింజో మరణానంతరం చైనీయులు చేసుకున్న సంబరాలకు సంబంధించిన స్క్రీన్‌ షాట్లను షేర్ చేశారు. ‘థ్యాంక్యూ యాంటీ జపాన్ హీరో, నేను నవ్వొచ్చా?’ అని ఓ యూజర్ కామెంట్ చేస్తే, ‘పార్టీ టైమ్’ అంటూ మరొకరు రాసుకొచ్చారు. ఇంకొందరు షింజో హత్యను కెన్నడీ హత్యతో పోల్చారు. ఇదిలావుంటే 1937లో చైనాపై జపాన్ జరిపిన దండయాత్రను కూడా పలువురు గుర్తు చేసుకున్నారు.
|
|