ఆ వెబ్ సైట్లన్నీ టీడీపీ కోసమే పనిచేస్తున్నాయి: ఎమ్మెల్యే గోపిరెడ్డి శ్రీనివాసరెడ్డి
Andhra Pradesh Telugu | Suryaa Desk | Published : Wed, Jul 13, 2022, 09:16 PM
రాష్ట్రంలోని అనేక వైబ్ సైట్లు అన్నీ టీడీపీ కోసమే పనిచేస్తున్నాయని నరసరావుపేట ఎమ్మెల్యే గోపిరెడ్డి శ్రీనివాసరెడ్డి వెల్లడించారు. ఇదిలావుంటే ఏపీలో అధికార వైసీపీ, విప‌క్ష టీడీపీల మధ్య సోష‌ల్ మీడియాలో ఓ రేంజిలో యుద్ధం సాగుతున్న సంగ‌తి తెలిసిందే. ఈ క్ర‌మంలో టీడీపీ త‌ర‌ఫున ప‌నిచేస్తున్న వెబ్ సైట్ల జాబితా ఇదేనంటూ వైసీపీ నేత, ప‌ల్నాడు జిల్లా నరసరావుపేట ఎమ్మెల్యే గోపిరెడ్డి శ్రీనివాసరెడ్డి బుధ‌వారం ఓ ఆస‌క్తికర ట్వీట్ చేశారు. టీడీపీ కోసం న‌డుస్తున్న వైబ్ సైట్లు ఇవేనంటూ ఆయ‌న త‌న ట్వీట్‌లో జాబితాను కూడా విడుద‌ల చేయ‌డం గ‌మ‌నార్హం టీడీపీ కోసం ప‌నిచేస్తున్న ఈ వెబ్ సైట్లన్నీ ఒకే ఐపీ అడ్రెస్ నుంచి న‌డుస్తున్నాయ‌ని గోపిరెడ్డి చెప్పుకొచ్చారు. అంతేకాకుండా ఈ సైట్లన్నీ కూడా టీడీపీ రాజ‌కీయ వ్యూహ‌క‌ర్త రాబిన్ శ‌ర్మ పేరిటే రిజిస్ట‌ర్ అయి ఉన్నాయ‌ని కూడా ఆయ‌న తెలిపారు. ఈ వెబ్ సైట్ల జాబితాతో కూడిన త‌న ట్వీట్‌కు అరెస్ట్ రాబిన్ శ‌ర్మ, ఫ్ర‌స్ట్రేటెడ్ టీడీపీ పేరిట హ్యాష్ ట్యాగ్‌ల‌ను కూడా గోపిరెడ్డి జ‌త చేశారు.
|
|