వంగ‌ల‌పూడి అనిత పై విరుచుకు పడ్డ రోజా రాణి
Andhra Pradesh Telugu | Suryaa Desk | Published : Thu, Jul 21, 2022, 11:26 AM
ముఖ్య‌మంత్రి కుటుంబ స‌భ్యుల‌పై అనిత చేసిన వ్యాఖ్య‌ల‌పై వైసీపీ నాయకురాలు రోజా రాణి ఆగ్ర‌హం వ్య‌క్తం చేశారు. బెంగళూరు, గోవా, థాయిలాండ్‌లో వంగ‌ల‌పూడి అనిత నడిపించే అసాంఘిక కార్యక్రమాలన్నింటినీ బయటపెడతామ‌ని, అడ్డమైన ప్రేలాపనలు చేస్తే చూస్తూ ఊరుకునేది లేదని, టీచర్‌ స్థాయినుంచి ఎదిగిన నీ గత చరిత్ర ఏంటనేది తెలుసుకో అని మండిపడ్డారు. విశాఖ‌ప‌ట్నంలోని వైయ‌స్ఆర్ సీపీ జిల్లా కార్యాల‌యంలో వైయ‌స్ఆర్ సీపీ నాయకులు శ్రీమతి రోజా రాణి, రాజాబాబు విలేక‌రుల సమావేశం నిర్వ‌హించారు. విశాఖకు హుద్‌హుద్‌ తుఫాన్‌ వచ్చినప్పుడు.. నారా భువనేశ్వరి, బ్రాహ్మణిలు కల్తీ హెరిటేజ్ పాలు, మజ్జిగ పంపిణీ చేసి, మీరు ఎన్నివేల కోట్లు కొల్లగొట్టారో ప్రజలకు తెలియదనుకున్నారా ? మీ కల్తీపాలు సరఫరా వల్ల తమిళనాడు, కేరళల్లో లక్షలాది మంది పిల్లల ప్రాణాల మీదకు వచ్చింది. ఇప్పటికీ ఆ పిల్లలు అనారోగ్యంతో ఉన్నారు. కల్తీ పాలు అమ్మి, హెరిటేజ్ వాహనాల్లో కల్తీ మద్యం, సారా, ఎర్ర చందనం దుంగలు సరఫరా చేసి.. మీరు ఎన్ని సూట్‌కేసులు మోశారో రాష్ట్ర ప్రజలందరికీ తెలుసు అని మండిపడ్డారు.
|
|