ట్రెండింగ్
మళ్లీ ప్రభావం చూపిస్తున్న కరోనా..క్రమంగా పెరుగుతున్న కేసులు
national | Suryaa Desk | Published : Sun, Jul 24, 2022, 04:22 PM
యావత్తు ప్రపంచాన్ని వణికించిన కరోనా వైరస్ తాజాగా అన్ని దేశాల్లోనే మళ్లీ పుంజుకొంటోంది. మన దేశంలోనే కరోనా వైరస్ మళ్లీ పుంజుకొంటోంది. తాజాగా దేశంలో కరోనా వ్యాప్తి కొనసాగుతోంది. గత 24 గంటల్లో 20,279 పాజిటివ్ కేసులు నమోదయ్యాయి. ఇదే సమయంలో 18,143 మంది కరోనా నుంచి కోలుకోగా... 36 మంది మృతి చెందారు. దేశంలో యాక్టివ్ కేసుల సంఖ్య 1,52,200కి పెరిగింది. దేశంలో క్రియాశీల రేటు 0.35 శాతంగా, రికవరీ రేటు 98.45 శాతంగా, మరణాల రేటు 1.20 శాతంగా ఉంది. దీంతో దేశంపై మళ్లీ కరోనా పంజా విసురుతోందా అన్నట్లుగా పరిస్థితి నెలకొంది. ఇప్పటి వరకు 2,01,99,33,453 మందికి వ్యాక్సిన్ వేయగా ... నిన్న ఒక్క రోజే 28,83,489 మంది వ్యాక్సిన్ వేయించుకున్నారు. ఇప్పటి వరకు 4,32,10,522 మంది కరోనా నుంచి కోలుకున్నారు. మొత్తం 5,26,033 మంది మృతి చెందారు.
|
|