ఒక్కోక్కటిగా పెరుగుతున్న..మంకీ ఫాక్స్ కేసులు
national | Suryaa Desk | Published : Sun, Jul 24, 2022, 04:22 PM
మనదేశంలో క్రమంగా పెరుగుతున్న మంకీ ఫాక్స్ కేసులు ఆందోళన కలిగిస్తున్నాయి. ఒక్కోక్కటిగా ఇప్పటివరకు దేశంలో నాలుగు కేసులు నమోదయ్యాయి. దీంతో మున్ముందు ఈ కేసుల సంఖ్య ఎంతదాక పాకుతుందన్నది చర్చాంశనీయంగా మారింది. తాజాగా ఢిల్లీకి చెందిన 31 ఏళ్ల వ్యక్తికి మంకీపాక్స్ సోకినట్టు వైద్యులు నిర్ధారించారు. ఢిల్లీలో ఇదే తొలి కేసు. ఇదిలావుంటే అతడికి విదేశీ ట్రావెల్ హిస్టరీ లేనట్టు తెలుస్తోంది. దీంతో కలుపుకుని దేశంలో మంకీపాక్స్ కేసుల సంఖ్య నాలుగుకు చేరుకోగా, మిగతా మూడు కేరళలో నమోదయ్యాయి.
ఢిల్లీ బాధితుడికి ఆసుపత్రిలో చికిత్స అందిస్తున్నారు. మే నెలలో ప్రతివారం ఇద్దరుముగ్గురు అనుమానితుల నుంచి నమూనాలు సేకరించగా, ఇప్పుడు ప్రతి రోజు రెండు రెండుమూడు నమూనాలు సేకరిస్తున్నట్టు అధికారులు తెలిపారు. దేశవ్యాప్తంగా మంకీపాక్స్ కోసం 16 లేబొరేటరీలు పనిచేస్తుండగా, అందులో రెండు ఒక్క కేరళలోనే ఉన్నాయి.
|
|