తొలి టీ20లో వర్ష గండం..
sports | Suryaa Desk | Published : Fri, Jul 29, 2022, 10:52 AM
మూడు వన్డేల సిరీస్ ను క్లీన్ స్వీప్ చేసిన ఉత్సాహంలో ఉన్న టీమ్ ఇండియా.. ఇప్పుడు ధనాధన్ ఫార్మాట్ లోనూ ఆకట్టుకునేందుకు సిద్ధమైంది. అయితే యువ ఆటగాళ్లతో ద్వితీయ శ్రేణి జట్టు చేతిలో 0-3తో వైట్ వాష్ అయిన వెస్టిండీస్.. ఇప్పుడు స్టార్ క్రికెటర్లతో కూడిన పూర్తి స్థాయి జట్టును ఎలా ఎదుర్కొంటుందో చూడాలి. వన్డే సిరీస్‌కు విశ్రాంతి తీసుకున్న రెగ్యులర్ కెప్టెన్ రోహిత్ శర్మ, రిషబ్ పంత్, హార్దిక్ పాండ్యా, దినేష్ కార్తీక్, భువనేశ్వర్‌ల రాకతో జట్టు మరింత పటిష్టంగా మారింది. ప్రపంచకప్‌కు ఇంకా మూడు నెలల సమయం ఉంది, అయితే భారత్ గరిష్టంగా 16 మ్యాచ్‌లు ఆడాల్సి ఉంది. ఇందులో తమ వరల్డ్ కప్ ఆర్మీని సిద్ధం చేసుకోవాలి. ఈ నేపథ్యంలో శుక్రవారం నుంచి జరగనున్న ఐదు టీ20ల సిరీస్ జట్టులో బెర్త్ ఆశిస్తున్న ఆటగాళ్లకు కీలకం కానుంది.
అయితే తొలి మ్యాచ్‌కి వర్షం ముప్పు పొంచి ఉంది. వన్డే సిరీస్‌లోని చివరి మ్యాచ్‌కు చాలాసార్లు వర్షం అంతరాయం కలిగించడంతో ఓవర్లను కుదించి డక్‌వర్త్ లూయిస్ పద్ధతిలో మ్యాచ్ నిర్వహించారు. నేటి టీ20లోనూ ఇదే పరిస్థితి తలెత్తనుంది. మబ్బులు కమ్ముకోనున్నాయి. 24-52 శాతం వర్షం కురుస్తుంది. కనీసం గంటపాటు వర్షం పడుతుంది. ఇదే జరిగితే ఆట ఆలస్యంగా ప్రారంభం కావచ్చు. లేదంటే ఓవర్లను కుదించాల్సి రావచ్చు. ఇక డక్‌వర్త్ లూయిస్ పద్ధతి జట్లకు సవాల్‌గా మారనుంది. అయితే ఒక్క ఓవర్ సాధ్యమైనా మ్యాచ్ జరిగే అవకాశాలున్నాయి. ఉష్ణోగ్రతలు 24-31 డిగ్రీల సెల్సియస్‌గా నమోదవుతాయి.
|
|