అర్పితా ఛటర్జీ బలవంతంగా ఆసుపత్రికి తరలింపు

అర్పితా చటర్జీని పోలీసు అధికార్లు బలవంతంగా ఆసుపత్రికి తరలించారు.  ఇదిలావుంటే పశ్చిమ బెంగాల్ మాజీ మంత్రి పార్ధ ఛటర్జీ సన్నిహితురాలైన అర్పితా ముఖర్జీ అరెస్టైన సంగతి తెలిసిందే. అయితే ఆమెను కోర్టు సూచించిన హెల్త్ చెకప్ కోసం శుక్రవారం కోల్‌కతాలోని ఆస్పత్రికి తీసుకెళ్లే సమయంలో బోరున విలపించారు. ముందు కారు దిగడానికి నిరాకరించారు. బోరున ఏడుస్తూ కారు సీట్లో కూర్చుండిపోయారు. అయితే భద్రతా సిబ్బంది అర్పితాను బలవంతంగా కారులోంచి దించి.. ఆస్పత్రిలోకి తీసుకెళ్లే ప్రయత్నం చేశారు. అయినా ఆమె అధికారులకు సహకరించలేదు. ఎమర్జెన్సీ డిపార్ట్‌మెంట్ దగ్గర రోడ్డుపై కూర్చుండిపోయింది. ఆమె ఎంతకీ లేవకపోవడంతో ఓ వీల్ చైర్ తెచ్చి అందులో కూర్చోబెట్టి అర్పితా ముఖర్జీని లోపలకి తీసుకెళ్లారు.

కొన్ని రోజుల క్రితం టీచర్ రిక్రూట్‌మెంట్ స్కామ్‌లో భాగంగా ఎన్‌ఫోర్స్‌‌మెంట్ అధికారులు మంత్రులు, అధికారుల ఇళ్లలో, వారి బంధువుల, సన్నిహితుల నివాసాల్లో కూడా తనిఖీలు నిర్వహించారు. ఈ సందర్భంగా మాజీ మంత్రి పార్థ ఛటర్జీ సన్నిహితురాలైన అర్పితా ఛటర్జీ ఇంట్లో రూ.50 కోట్ల వరకు నగదు, బంగారాన్ని అధికారులు గుర్తించారు. ఆమెను విచారించగా ఆ డబ్బంతా మంత్రి పార్థ ఛటర్జీవని తెలియజేశారు. దాంతో అందులో భాగంగా అర్పితా ముఖర్జీని, పార్థ ఛటర్జీని పోలీసులు అరెస్ట్ చేశారు. అయితే కోర్టు ఆదేశాల ప్రకారం వారికి ప్రతి 48 గంటలకు ఒకసారి మెడికల్ చెకప్ చేయాల్సి ఉంటుంది. ఆ ఆదేశాలను అనుసరించి శుక్రవారం అర్పితా, పార్థఛటర్జీలను వేర్వేరు వాహనాల్లో ఈఎస్‌ఐ ఆస్పత్రికి తరలించారు. ఆ సమయంలో ఈ నాటకీయ పరిణామం చోటుచేసుకుంది.

నిజానికి పార్థ ఛటర్జీ .. బెంగాల్ ముఖ్యమంత్రి మమతా బెనర్జీకి సన్నిహితుడు. అయితే ఈ కేసులో ఆయన్ని అరెస్ట్ చేయడంతో గురువారం అతనిని మంత్రి పదవి నుంచి తొలగించారు. అలాగే తృణమూల్ కాంగ్రెస్‌లోని అన్ని పదవుల నుండి తీసివేశారు. పార్థ ఛటర్జీ 2016లో విద్యాశాఖ మంత్రిగా ఉన్న సమయంలో ప్రభుత్వ పాఠశాలల్లో ఉపాధ్యాయులు, సిబ్బంది నియామకాల కోసం లంచం తీసుకున్నట్టు ఆరోపణలు వచ్చాయి. ఇక అర్పితా ముఖర్జీ 2008 నుంచి 2014 మధ్య బెంగాలీ, ఒడియా చిత్రాల్లో నటించారు. ఆమె ఓ మధ్యతరగతి కుటుంబానికి చెందిన వ్యక్తి కానీ కాలేజీ రోజుల నుంచి ఆమె మోడల్‌గా రాణించారు. అర్పితా ముఖర్జీ రెండు ఫ్లాట్‌లలో గుట్టలు గుట్టలుగా డబ్బు దొరికంది. అలాగే ఆమెకు అనేక ఫ్లాట్‌లు ఉన్నట్టు తెలిసింది. వాటి సేల్ డీడ్‌లను ఈడీ అధికారులు గుర్తించారు. అలాగే ఆమెకు సంబంధించిన నాలుగు కార్లు గురించి అధికారులు వెదుకుతున్నారు.