ప్రజల్లో కలసిపోయి...డ్యాన్స్ వేసిన నాగాలాండ్ మంత్రి

ఇటీవల నాగలాండ్ కు చెందిన మంత్రి తరచూ వార్తల్లోకి ఎక్కుతున్నారు. ఇదిలావుంటే మంత్రులు, ఎమ్మెల్యేలు, డ్యాన్స్‌లు వేసే సందర్భాలు చాలా తక్కువగా ఉంటాయి. అప్పుడప్పుడు ఉత్సవాల్లో జనంతో కలసి కాసేపు స్టెప్పులు వేస్తుంటారు. తాజాగా నాగాలాండ్ మంత్రి టెమ్‌జెన్ ఇమ్నా అలాంగ్ మాత్రం తన డ్యాన్స్‌తో అందరి మనస్సులను దోచుకున్నారు. ఓ ఉత్సవానికి హాజరైన ఆయన తన భారీ కాయంతో ఎంతో ముచ్చటగా డ్యాన్స్ వేశారు. ఏ మాత్రం సిగ్గుపడకుండా ప్రజలతో కలసి పోయారు. ఇప్పుడు ఆయన డ్యాన్స్ వీడియో ఇప్పుడు సోషల్ మీడియాలో వైరల్ అవుతుంది.

టెమ్‌జెన్ నాగాలాండ్‌ ఉన్నత విద్య, గిరిజన వ్యవహారాల శాఖ మంత్రిగా ఉన్నారు. నాగాలాండ్‌లో ఆయన పరిచయం అక్కర్లేని రాజకీయ నాయకుడు. ఆయన భారీ కాయంతో, చిన్నకళ్లతో ఉంటారు. అతడిని చూడగానే అక్కడి వారు ఇట్టే గుర్తు పట్టేస్తుంటారు. అంతగా ఆయన పాపులర్. ప్రస్తుతం సుంగ్రెమాంగ్ ఫెస్టివల్ సందర్భంగా డ్యాన్స్ చేస్తున్న వీడియోను పోస్ట్ చేశారు. దాంతో మరోసారి ఆయన నెటిజన్ల మనస్సులను దోచేశారు.

ట్విట్టర్‌లో తన డ్యాన్స్ క్లిప్‌ను తనే షేర్ చేస్తూ నేను కూడా డ్యాన్స్ చేయగలనని రాసుకొచ్చారు. ఆ వీడియోలో సుంగ్రెమాంగ్‌ వేడుకలో పాల్గొని అక్కడి కళాకారులతో కలసి గ్రూప్ డ్యాన్స్‌లో పాల్గోవడం చూడొచ్చు. ఆ పండుగను సమృద్ధిగా పంటలు పండాలని కోరుకుంటూ జరుపుకుంటారు. ఈ సందర్భంగా ఆ పండుగ గొప్పదనాన్ని చెబుతూ.. ఆ సంస్కృతి భవిష్యత్తు తరాలకు అందించాల్సిన బాధ్యత అందరిపై ఉందమిన మంత్రి టెమ్‌జెన్ అన్నారు. నాగాలాండ్ సంస్కృతిని, ఇక్కడి డ్యాన్స్‌లను చూసేందుకు ఇక్కడ రండి అంటూ ఆహ్వానించారు. ఇక మంత్రి వీడియో ట్విట్టర్‌లో 95 వేలకుపైగా మంది వ్యూస్‌ను సొంతం చేసుకుంది.