ట్రెండింగ్
లారీ ఢీకొని వృద్ధురాలు మృతి
Andhra Pradesh Telugu | Suryaa Desk | Published : Thu, Aug 04, 2022, 11:38 AM
లారీ ఢీకొని వృద్దు రాలు మృతి చెందిన ఘటన జగ్గయ్యపేట మండలం బలుసుపాడు గ్రామంలో జరిగింది. వివరాలు ఇలా ఉన్నాయి. మండలంలోని అన్నవరం గ్రామానికి చెందిన మాడుగుల గోవిందమ్మ (65) సమీప గ్రామం అనుమంచిపల్లికి ఉదయం గ్రామస్తులతో కలిసి వరి నాట్లు వేసేందుకు ఆటోలో వెళ్లారు. నాట్ల అనంతరం తిరిగి వచ్చే క్రమంలో ఆటో ఎక్కి పక్కకు ఉన్న కడ్డీపై కూర్చున్నారు. ఈ సమయంలో అదే రహదారిలో వస్తున్న లారీకి ఈమె తగలడం తో ఒక్కసారిగా కిందపడిపోయారు. ఆమె కాళ్లపై నుంచి లారీ వెళ్లడంతో తీవ్ర గాయాలయ్యాయి. హుటాహుటిన స్థానికులు పేట ప్రభుత్వాస్పత్రికి తరలించగా చికిత్స పొందుతూ మృతి చెందారు. చిల్లకల్లు ఎప్స్ చిన్నబాబు కేసు నమోదు చేసి దర్యాప్తు చేస్తున్నారు.
|
|