విరిగిపడుతున్న కొండ చర్యలు...రవణా వ్యవస్థకు సవాల్ గా మారుతున్న వైనం

రవాణ వ్యవస్థ నేటి కాలంలో ఎంతో ప్రాముఖ్యతను  సంతరించుకొంది. కానీ భారీ వర్షాల నేపథ్యంలో విరిగిపడే కొండచర్యలు మన దేశ రవాణా వ్యవస్థకు సవాల్ విసురుతోంది. భారీ వర్షాలతో హిమాచల్‌ప్రదేశ్ అతలాకుతలం అవుతుంది. అక్కడ ఆదివారం నుంచి ఎడతెరిపి లేని వర్షాలు కురుస్తోన్నాయి. దాంతో వరదలు పోటేత్తాయి. వాగులు, వంకలు పొంగి ప్రవహిస్తున్నాయి. కొండ చరియలు విరిగిపడుతున్నాయి. రహదారులు కొట్టుకుపోతున్నాయి. ఈ బీభత్సానికి చాలా గ్రామాలు కూడా దెబ్బతిన్నాయి. ఓ 15 ఏళ్ల బాలుడు కూడా ప్రాణాలు కోల్పోయాడు.

హిమాచల్ ప్రదేశ్‌లోని కిన్నౌర్‌లోని భవానగర్ సమీపంలో అకస్మాత్తుగా కొండచరియలు విరిగిపడ్డాయి. దాంతో అధికారులు తక్షణ చర్యలు తీసుకున్నారు. వెంటనే జాతీయ రహదారి-5ను బ్లాక్ చేశారు. ఈ మార్గంలో వాహనాల రాకపోకలను నిలిపివేశారు. రహదారిపై పడిన శిథిలాలను యంత్రాల సాయంతో క్లియర్ చేస్తున్నారు. కొండచరియలు విరిగిపడిన భయానక వీడియోను ఏఎన్ఐ షేర్ చేసింది. స్థానికులు కూడా తమ కొండచరియలను పడుతున్న దృశ్యాలను తమ మొబైల్‌ ఫోన్లలో బధించారు.

అదేవిధంగా చంబా ప్రాంతంలో వర్షాలు విస్తారంగా కురుస్తున్నాయి. అక్కడ వర్షాల కారణంగా 15 ఏళ్ల బాలుడు కూడా చనిపోయాడు. ఆదివారం అర్ధరాత్రి నుంచి కురుస్తోన్న భారీ వర్షాలకు భడోగా, కంద్వారా గ్రామాలు దెబ్బతిన్నాయని చంబా జిల్లా ఎమర్జెన్సీ ఆపరేషన్ సెంటర్ (DEOC) అధికారులు వెల్లడించారు. దీంతో చాలా రహదారులను క్లోజ్ చేశారు. ఈ ప్రాంతంలోని వ్యవసాయ భూమి, ఒక వంతెనకు నష్టం వాటిళ్లినట్టు సమాచారం. ఈ కారణంగా అధికారులు ఐదు నుంచి ఆరు ఇళ్లను ఖాళీ చేసి, ప్రజలను సురక్షిత ప్రాంతాలకు తరలించారు.

సిమ్లా, బిలాస్‌పూర్, సిర్మౌర్, సోలన్, ఉనా, హమీర్‌పూర్, కాంగ్రా, మండి, కులు, చంబా పరిసర ప్రాంతాల్లో మోస్తరు నుంచి భారీ వర్షాలు కురుస్తున్నాయి. అధికారులు సమస్యత్మాక ప్రాంతాల్లో ప్రజలను ఖాళీ చేయిస్తున్నారు. కాగా గత వారం కూడా హిమాచల్ ప్రదేశ్‌లోని కులు జిల్లాలో కురిసిన వర్షాలకు ఆరుగురు గాయపడ్డారు. పది ఇళ్లు దెబ్బతిన్నాయి. ఇదిలా ఉండగా పంజాబ్‌లోని మొహాలీకి చెందిన ఏడుగురు యాత్రికులు హిమాచల్ ప్రదేశ్‌లోని ఉనా జిల్లాలోని గోవింద్ సాగర్ సరస్సులో సోమవారం మునిగి చనిపోయారు.