వాట్సాప్ లో ఇకపై ఆ సదుపాయం కూడా

వాట్సాప్ తన వినియోగదారుల కోసం కాలనుగుణంగా అనేక ఆప్షన్లను అందుబాటులోకి తెస్తోంది. పాపులర్ మెసేజింగ్ యాప్‌ వాట్సాప్‌ కు కొత్త ఫీచర్లు వస్తూనే ఉన్నాయి. వీటి ద్వారా యూజర్లకు నూతన సదుపాయాలు దక్కుతున్నాయి. మరిన్ని ఫీచర్లను తీసుకొచ్చేందుకు వాట్సాప్‌ ప్రయత్నిస్తూనే ఉంది. తాజాగా యూజర్లందరికీ ఓ ఫీచర్‌కు అదనపు సమయాన్ని తీసుకొచ్చింది వాట్సాప్‌. అదే ‘డిలీట్ ఫర్ ఎవ్రీ వన్’  ఫీచర్‌కు టైమ్ లిమిట్ పొడిగింపు. మెసేజ్ సెండ్ చేసిన తర్వాత.. రిసీవర్‌కు కూడా మెసేజ్‌ను డిలీట్ చేసేందుకు ఈ ఫీచర్ ఉపయోగపడుతుంది. తప్పుగా మెసేజ్ పంపినా, ఒకరికి పంపాల్సింది ఇంకొకరికి పంపినా ఆ సమయాల్లో డిలీట్ ఫర్ ఎవ్రీ వన్ ఫీచర్ ఎంతో ఉపయోగపడుతుంది. ఆ మెసేజ్ రివీస్ చేసుకున్న వారికి కూడా డిలీట్ అయ్యేలా చేయవచ్చు.

ఇంతవరకుడిలీట్ ఫర్ ఎవ్రీ వన్‌ కోసం ఒక గంటా 8 నిమిషాల 18 సెకన్ల టైమ్ లిమిట్ ఉండేది. ఆలోగా మాత్రమే రిసీవర్‌కు కూడా మెసేజ్‌ను డిలీట్ చేసే సదుపాయం ఉండేది. అయితే ఈ టైమ్ లిమిట్‌‌ను వాట్సాప్‌ భారీగా పెంచేసింది. డిలీట్ ఫర్ ఎవ్రీ వన్ టైమ్ లిమిట్ పొడిగింపును వాట్సాప్‌ కొన్ని నెలల నుంచి టెస్ట్ చేస్తోంది. ఆ తర్వాత బీటా యూజర్లకు తీసుకొచ్చింది. ఇప్పుడు క్రమంగా యూజర్లందరికీ ఈ సదుపాయాన్ని అందిస్తోంది. ఇప్పటికే చాలా మంది యూజర్లకు ఈ టైమ్ ఎక్స్‌టెన్షన్ వచ్చేసింది.

డిలీట్ ఫర్ ఎవ్రీ వన్ టైమ్ లిమిట్‌ను 2 రోజుల 12 గంటల 16 సెకన్లకు పెంచింది వాట్సాప్‌. అంటే మెసేజ్ పంపిన రెండున్నర రోజుల్లోపు ఎప్పుడైనా రిసీవర్‌కు కూడా మీరు మెసేజ్‌ను డిలీట్ చేయవచ్చన్న మాట. ఈ గడువు పొడిగింపును సైలెంట్‌గా తీసుకొచ్చింది వాట్సాప్‌. కొంతకాలంగా బీటా టెస్టింగ్ జరుగుతున్నా.. ప్రస్తుతం అందరికీ ఈ ఫీచర్‌ను రోల్‌అవుట్ చేస్తోంది.

అమెజాన్ గ్రేట్ ఫ్రీడమ్ ఫెస్టివల్ | ఫ్యాషన్ & బ్యూటీ ప్రోడక్టులపై గ్రేట్ డీల్స్ | ప్రారంభ ధర రూ. 199/- మాత్రమే!

అయితే FaQ పేజ్‌లో డిలీట్ ఫర్ ఎవ్రీ వన్‌కు సుమారు గంట లిమిట్ అని వాట్సాప్‌ ఇంకా ఉంచింది. దాన్ని ఇంకా అప్‌డేట్‌ చేయలేదు. అయితే ఇప్పటికే చాలా మంది యూజర్లకు 2 రోజుల 12 గంటల టైమ్ లిమిట్ సదుపాయం వచ్చేసింది. రెండు రోజుల పాత మెసేజ్‌లను కూడా డిలీట్ ఫర్ ఎవ్రీ వన్ ద్వారా డిలీట్ చేయగలుగుతున్నారు. మీరు కూడా ప్రయత్నించి చూడండి.

మరోవైపు, గ్రూప్‌లో ఏ పార్టిసిపెంట్ మేసెజ్ చేసినా దాన్ని అడ్మిన్ డిలీట్ చేయగలిగేలా కొత్త ఫీచర్‌ను వాట్సాప్‌ ప్రస్తుతం టెస్ట్ చేస్తోంది. ఈ ఫీచర్ వస్తే, గ్రూప్‌లోని ఏ మెంబర్ మెసేజ్ చేసినా.. దాన్ని తొలగించే అధికారం అడ్మిన్‌కు ఉంటుంది. ఈ ఫీచర్ ముందుగా బీటా యూజర్లకు వచ్చి.. ఆ తర్వాత అందరికీ వస్తుంది. మెసేజ్‌లను సెండ్ చేసిన తర్వాత కూడా ఎడిట్ చేసుకునేలా సదుపాయాన్ని అందించే ఎడిట్ ఫీచర్‌పైనా వాట్సాప్‌ పని చేస్తోంది.