కల్మషంలేని మానవీయ సంబంధాలకు ఆదివాసీలు ప్రతీక
Andhra Pradesh Telugu | Suryaa Desk | Published : Tue, Aug 09, 2022, 05:54 PM
ఎల్లలు లేని ప్రేమిభిమానాలు మమతానురాగాలు , కల్మషంలేని మానవీయ సంబంధాలకు ఆదివాసీలు ప్రతీకలని ప్రభుత్వం ఆదివాసీల అభివృద్ధి , సంక్షేమానికి అనేక కార్యక్రమాలు అమలు చేస్తున్నట్లు కృష్ణాజిల్లా జాయింట్ కలెక్టర్ మహేష్ కుమార్ రావిరాల పేర్కొన్నారు.
మంగళవారం ఉదయం మచిలీపట్నం జిల్లా పరిషత్ సమావేశపు మందిరంలో కృష్ణాజిల్లా గిరిజన సంక్షేమ శాఖ ఆధ్వర్యంలో ప్రపంచ ఆదివాసీ దినోత్సవ వేడుకలు ఘనంగా నిర్వహించారు. జ్యోతి ప్రజ్వలన అనంతరం భారతరత్న డా.బీ.ఆర్.అంబేద్కర్, ఏకలవ్యుడు తదితరుల చిత్ర పటాలకు పూలమాలలు వేసి నివాళులర్పించారు.
వజ్రోత్సవ స్వాతంత్య్ర దినోత్సవం ' ఆజాదీ కా అమృత్ మహోత్సవ్ ' ' కార్యక్రమాలలో భాగంగా ప్రముఖ స్వా తంత్య్ర సమర యోధుడు , జెండావీరుడు తోట నరసయ్య నాయుడు కుమార్తె తోట విజయలక్ష్మి ని మర్యాదపూర్వకంగా సత్కరించారు.
ఈ కార్యక్రమంలో ముడా చైర్ పర్సన్ బొర్రా దుర్గా నాగ భవాని విఠల్ , జిల్లా రెవెన్యూ అధికారి ఎం . వెంకటేశ్వర్లు గారు , ఆర్ . డి . ఓ . ఐ . కిషోర్ గారు ,జిల్లా గిరిజన సంక్షేమాధికారి ధూర్జటి ఫణి గారు , ప్రజా ప్రతినిధులు తదితరులు పాల్గొన్నారు.
|
|