ధారుణంగా ప్రవర్తించిన..పాకిస్తాన్ సెక్యూరిటీ గార్డ్..గర్బవతి అని చూడకుండా

కొందరు మానవత్వం మరిచి ప్రవర్తిస్తుంటారు. అలాంటి ఘటనే పాకిస్తాన్ లో చోటు చేసుకొంది.  అక్కడ భద్రతా సిబ్బంది గర్భవతి పట్ల అమానుషంగా ప్రవర్తించారు. చాచి పెట్టి కొట్టి.. కిందపడేసి కాలితో తొక్కారు. సాధారణంగా ఆడవాళ్లపై చేయి చేసుకోవడాన్నే తప్పుగా భావిస్తారు. అలాంటిది ఓ గర్భిణిపై ఇలా విరుచుకుపడడం ఆగ్రహాన్ని రేకెత్తిస్తుంది. ఓ అపార్ట్‌మెంట్ భవనం వెలుపల ఈ ఘటన చోటుచేసుకుంది. దీనికి సంబంధించిన వీడియో బయటకొచ్చింది. ఆ దృశ్యాలను చూసిన వారు భద్రతా సిబ్బందిపై మండిపడుతున్నారు.

స్థానిక పోలీసుల కథనం ప్రకారం... పాకిస్థాన్‌లోని కరాచీలో నోమన్ గ్రాండ్ సిటీ అనే అపార్టమెంట్స్‌ గులిస్తాన్-ఎ-జౌహర్ బ్లాక్ 17లో ఉంది. సనా అనే ఒక ఐదు నెలల గర్భిణి ఆ అపార్టమెంట్స్‌‌లోనే పనిమనిషిగా పనిచేస్తోంది. అయితే ఆమె తన ఫుడ్ క్యారేజీని మరిచిపోయి రావడంతో తన కొడుకుకు దానిని తీసుకురమ్మని చెప్పింది. ఫుడ్ పట్టుకుని ఆ అబ్బాయి వచ్చాడు.

దాంతో సనా తన కొడుకు సోహిల్ తన కోసం ఆహారం తీసుకువచ్చాడని తనని లోపలికి వదలమని ఆ అపార్ట్‌మెంట్ సెక్యూరిటీ గార్డుని వేడుకుంది. కానీ అక్కడున్న సెక్యూరిటీ సిబ్బంది అబ్దుల్‌ నాసిర్‌, అదిల్‌ ఖాన్‌, మహ్మద్‌ ఖలీల్‌ లోపలకి రావడానికి అంగీకరించ లేదు. దీంతో సదరు మహిళ అక్కడ ఉన్న ఒక సెక్యూరిటీ గార్డులను నిలదీసింది. వారితో వాగ్వాదం జరిగింది. దాంతో ఆ సెక్యూరిటీ గార్డుకు చాలా కోపం వచ్చింది. ఆమెను లాగిపెట్టి చెంపదెబ్బ కొట్టాడు. అక్కడితో ఆగకుండా మహిళను తన బూట్లతో తన్నాడు. ఆమె గర్భిణీ కావడంతో అపస్మారక స్థితిలోకి పోయింది. ఈ ఘటనపై సింధ్‌ ముఖ్యమంత్రి మురాద్‌ అలీ షా ఆగ్రహం వ్యక్తం చేశారు. దీంతో పోలీసులు ఆ సెక్యూరిటీ గార్డును అరెస్ట్ చేశారు.