విచారణకు రండి..రణవీర్ సింగ్ కు ముంబయి పోలీసుల నోటీసులు
national | Suryaa Desk | Published : Fri, Aug 12, 2022, 10:33 PM
విచారణకు రావాలంటూ బాలీవుడ్ కథానాయకుడు రణవీర్ సింగ్ కు ముంబయి పోలీసులు నోటీసులు జారీ చేశారు. ఇటీవల నగ్న ఫొటోషూట్ తో సంచలనం సృష్టించిన సంగతి తెలిసిందే. ఓ మ్యాగజైన్ కోసం ఆయన దిగంబరంగా ఫొటోలకు పోజులిచ్చారు. దాంతో రణవీర్ సింగ్ పై తీవ్రస్థాయిలో విమర్శలు వచ్చాయి. జాతీయస్థాయిలో ఇదొక చర్చనీయాంశం అయింది. దీనిపై పోలీసులకు ఫిర్యాదు అందగా, వారు ఎఫ్ఐఆర్ నమోదు చేశారు. ఈ నేపథ్యంలో, విచారణకు రావాలంటూ ముంబయి పోలీసులు రణవీర్ సింగ్ కు సమన్లు అందించాలని నిర్ణయించారు.
ఇవాళ ముంబయిలో రణవీర్ సింగ్ నివాసానికి పోలీసులు వెళ్లగా, ఆయన అందుబాటులో లేడని తెలిసింది. రణవీర్ సింగ్ ఆగస్టు 16న తన నివాసానికి తిరిగొస్తాడని సమాచారం తెలుసుకున్నారు. దాంతో మరోసారి రణవీర్ సింగ్ నివాసానికి వెళ్లి సమన్లు అందించాలని పోలీసులు నిర్ణయించారు. ఈ నెల 22న చెంబూరు పోలీస్ స్టేషన్ లో రణవీర్ ను విచారించనున్నారు.
|
|