పేద విద్యార్థులు కూడా ఉన్నత చదువులు చదవాలి
Andhra Pradesh Telugu | Suryaa Desk | Published : Sat, Aug 13, 2022, 03:15 PM
పేద విద్యార్థులు కూడా ఉన్నత చదువులు చదవాలని స్థానిక సంస్థల శాసన మండలి సభ్యులు ఇందుకూరి రఘురాజు ఆకాంక్షించారు. శృంగవరపుకోట మండలం వినాయకపల్లి ప్రభుత్వ ప్రాథమిక పాఠశాలను ఆయన శనివారం సందర్శించారు. అనంతరం ఆయన పాఠశాలలో నాడు నేడు పథకం కింద నిర్వహించిన పనులు గురించి ఉపాధ్యాయులను అడిగి తెలుసుకున్నారు. విద్యార్థుల పట్ల ఉపాధ్యాయులు అంకితభావంతో పనిచేసి, విద్యార్థుల పట్ల ప్రత్యేక శ్రద్ధ వహించాలని ఆయన కోరారు.
పాఠశాలలో చదువుతున్న విద్యార్థులకు అదే గ్రామానికి చెందిన వెలుచూరి నారంనాయుడు వితరణ చేసిన పలకలు, పుస్తకాలు తదితర విద్యాసంబంధ సామగ్రిని ఎమ్మెల్సీ ఇందుకూరి చేతుల మీదుగా విద్యార్థులకు అందజేశారు. కార్యక్రమంలో పాఠశాల విద్యా కమిటీ చైర్మన్ సరిపల్లి పావని, పాఠశాల ప్రధానోపాధ్యాయులు రమణ, సహోపాధ్యాయులు మహేష్, గ్రామ కార్యదర్శి సంతోష్ కుమార్, గ్రామ వాలంటీర్లు అలాగే వైయస్సార్ కాంగ్రెస్ పార్టీ నాయకులు వెలుచూరి రామచంద్ర, వెలుచూరి కృష్ణం నాయుడు, వెలుచూరి కొండబాబు, సింహాద్రి నాయుడు, మింది మాధవ, మోపాడ సత్తిబాబు తదితరులు పాల్గొన్నారు.
|
|