వైద్య సేవల కోసం..సిద్దమైన ‘ఎన్టీఆర్ ఉచిత ఆరోగ్య రథం’
Andhra Pradesh Telugu | Suryaa Desk | Published : Sun, Aug 14, 2022, 04:40 PM
టీడీపీ నేత, హిందూపురం ఎమ్మెల్యే, సినీ హీరో నందమూరి బాలకృష్ణ తన నియోజకవర్గ ప్రజల కోసం ఓ వినూత్న ఆలోచన చేశారు. ఆ ఆలోచన తాజాగా అమలులోకి రానున్నది. తన నియోజకవర్గ ప్రజలకు ఉచిత వైద్య సేవలు అందించేందుకు హిందూపురం ఎమ్మెల్యే తయారు చేసిన ‘ఎన్టీఆర్ ఉచిత ఆరోగ్య రథం’ సిద్ధమైంది. నిన్న ఇది హిందూపురం చేరుకుంది. బాలకృష్ణ త్వరలోనే దీనిని ప్రారంభించనున్నారు. 200కుపైగా వ్యాధి నిర్ధారణ పరీక్షలు, వైద్యుల సంప్రదింపులు, మాతాశిశు సంరక్షణ, ఆరోగ్య అవగాహన వంటి సదస్సులను ఈ రథం ద్వారా నిర్వహిస్తారు.
ఈ వాహనంలో ఓ వైద్యుడు, నర్సు, ఫార్మసిస్ట్, కంప్యూటర్ ఆపరేటర్, వైద్య సిబ్బంది, మందుల కౌంటర్ ఉంటుంది. అక్కడే నయం చేయగల వ్యాధులకు రథంలోనే చికిత్స అందించి ఉచితంగా మందులు పంపిణీ చేస్తారు. అంతకుమించిన వైద్య సేవలకు ఇతర ఆసుపత్రులకు రెఫర్ చేస్తారు. ఒక్కో రోజు ఒక్కో గ్రామంలో ఈ రథం ద్వారా ఉచిత వైద్య సేవలు అందిస్తారు.
|
|