మురగదాస్ తో అల్లు అర్జున్..?
cinema | Suryaa Desk | Published : Sat, Sep 21, 2019, 05:54 PM
స్టైలిష్ స్టార్ అల్లు అర్జున ప్రస్తుతం త్రివిక్రమ్ దర్శకత్వంలో 'అల వైకుంఠపురములో' సినిమా చేస్తున్నాడు. త్వరలో ప్యారిస్ లో పాటల చిత్రీకరణకు సిద్ధమవుతోంది. ఈ చిత్రాన్ని సంక్రాంతికి విడుదల చేసేందుకు చిత్రయూనిట్ సన్నాహాలు చేస్తుంది.
ఈ నేపథ్యంలో ఇటీవల బన్నీని కలిసి మురుగదాస్ ఒక కథ వినిపించాడనీ, బన్నీ గ్రీన్ సిగ్నల్ ఇచ్చేశాడనే ప్రచారం ఫిల్మ్ నగర్లో జోరుగా జరుగుతోంది. దాంతో ముందుగా బన్నీ ఓకే చెప్పిన సుకుమార్ .. వేణు శ్రీరామ్ ల ప్రాజెక్టుల పరిస్థితి ఏమిటనే సందేహం అభిమానులను అయోమయానికి గురిచేసింది. అయితే మురుగదాస్ తో బన్నీ సినిమా వార్తలో నిజం లేదనేది తాజా సమాచారం. ముందుగా చెప్పినట్టుగానే త్రివిక్రమ్ తరువాత వేణు శ్రీరామ్, సుకుమార్ లతో బన్నీ సినిమాలు వుంటాయని అంటున్నారు. ప్రస్తుతం మురుగదాస్ 'దర్బార్' సినిమా పనులతో బిజీగా వున్న సంగతి తెలిసిందే.
|
|