పవన్ని డైరెక్ట్ చేసేందుకు క్రిష్ స్క్రిప్ట్ రడీ
cinema | Suryaa Desk | Published : Tue, Sep 24, 2019, 10:17 AM
పవర్ స్టార్ పవన్ కళ్యాణ్ పూర్తి సమయం రాజకీయాలకు కేటాయిస్తుంటంతో ఆయన దాదాపు సినిమాలకు దూరంగానే ఉన్నారు. పార్టీని నిడపేందుకు తిరిగి సినిమాల్లోకి వచ్చే అవకాశాలపై ఇండస్ట్రీలో పలు ఊ హాగానాలు వస్తున్నాయి. త్రివిక్రంతో మళ్లీ జోడీ కడతారని ఒకసారీ, పికె స్వయంగా దర్శకత్వం చేస్తాడని, మరోసారి ఇలా ఇంతకు ముందు తరువాత కూడా చాలా మంది దర్శకుల పేర్లు వినిపించాయి. ఈ జాబితాలో తాజాగా దర్శకుడు క్రిష్ కూడా చేరిపోయారు. ఎన్.టి.ఆర్ యొక్క బయోపిక్ సిరీస్ పరాజయం తరువాత సుదీర్ఘ విరామం తీసుకున్న క్రిష్ ఈ సమయంలో పవర్ స్టార్ కోసం డైనమిక్ స్క్రిప్ట్ను సిద్ధం చేశాడని, త్వరలో అతనికి కథను వివరించనున్నట్లు వార్తలు వస్తున్నాయి.
అయితే ఇప్పట్లో సినిమాలు చేయాలనే తలంపు లేదంటూ ప్రకటించిన పవన్ని ఎంతవరకు క్రిష్ ఒప్పించగలుగుతాడన్నది ప్రశ్న. ఇందులో సక్సస్ సాధిస్తే.. రాబోయే రోజుల్లో పవన్ అభిమానులు తమ హీరోని తెరపై చూసే వీలుంటుంది. మరి పవర్ స్టార్ తిరిగి తెరపై వస్తాడో లేదో చూడాలి.
|
|