నాలో ఉన్న బిగ్గెస్ట్ క్వాలిటీ నా వృత్తి : రాహుల్

బిగ్ బాస్ హౌస్‌కి రీ ఎంట్రీ తరువాత రాహుల్ సిప్లిగంజ్‌ స్ట్రాటజీ మార్చారు. నిన్న మొన్నటి వరకూ కేవలం పునర్నవికి పులిహోర కలుపుతూ సో సోగా గేమ్ లాగించేసి రెండు వారాలు మినహా తక్కిన ఎనిమిది వారాల్లోనూ నామినేషన్స్‌లోకి వెళ్లి సేఫ్ అయిన రాహుల్ సోమవారం నాటి నామినేషన్ ప్రక్రియలో ఎమోషనల్‌గా మాట్లాడి తానూ స్ట్రాంగ్ కంటెస్టెంట్ అనే ఇండికేషన్స్ పంపారు. తన పర్సనల్ విషయాలను షేర్ చేసుకోవడానికి పెద్దగా ఇష్టపడని రాహుల్ తొలిసారి తన ఎక్కడ నుండి వచ్చాడు. తన కులవృత్తి ఏంటి? తదితర విషయాలను పంచుకున్నారు. ప్రస్తుతం హౌస్‌లో ఉన్నవాళ్లకంటే నాలో ఎక్స్ ట్రా క్వాలిటీ మరోటి ఉంది. నాకు తెలిసిన రెండు వృత్తులు. ఒకటి బార్బర్, రెండు సింగింగ్. ఈ రెండింటిలోనూ బార్బర్ వృత్తి అంటే నాకు గౌరవం ఎక్కువ. నాలో ఉన్న బిగ్గెస్ట్ క్వాలిటీ నా వృత్తి. ఎన్ని భేదాలు ఉన్నా, ఎన్ని మిస్ అండర్‌స్టాండింగ్స్ ఉన్నా.. రా.. మామా కటింగ్ చేయమంటే మనస్పూర్తిగా నేను ఆ పని చేయడానికి రెడీ‌గా ఉంటా. వాళ్లను అందంగా తీర్చిదద్దడానికి నేను ఎప్పుడూ సిద్ధమే’ అంటూ ఎమోషనల్‌గా మాట్లాడారు రాహుల్ సిప్లిగంజ్. అన్నట్టు బిగ్ బాస్ సీజన్ 3లో సింగర్‌గా అడుగుపెట్టిన రాహుల్.. తనలో ఉన్న మల్టీ టాలెంట్‌తో మిగతా కంటెస్టెంట్స్‌ను కొత్త కొత్త హెయిర్ స్టైల్స్ న్యూ లుక్‌లోకి తీసుకువచ్చాడు. రీసెంట్‌గా శివజ్యోతికి హెయిర్ షాట్ కట్ చేసి డిఫరెంట్‌లోకి తీసుకువచ్చి నాగార్జునతో ప్రశంసలు అందుకున్నారు. ఆమెతో పాటు వరుణ్, రవి, మహేష్, బాబాలకు సైతం డిఫరెంట్ లుక్‌లోకి తీసుకురావడానికి తన కత్తెరకు పనిచెప్పి శెభాష్ అనిపించుకున్నాడు రాహుల్ సిప్లిగంజ్. అయితే రాహుల్ ఈ వ్యాఖ్యలు అలా చేశాడో లేదో గూగుల్‌లో అతని కులం గురించి వెతుకులాట మొదలుపెట్టేశారు కొంతమంది. దీంతో రాహుల్ సిప్లిగంజ్ క్యాస్ట్ కీవర్డ్ ఎక్కువ సెర్చ్ అవుతోంది. రాహుల్ పాటలు, అతని ఫ్యామిలీ, సినిమాలు, ఊరు ఇలాంటి వాటిని పక్కనపెట్టేసి అతని కులం కోసమే ఎక్కువ మంది సెర్చ్ చేస్తుండటం విశేషం.