నాగార్జునతో అలాంటి అవకాశం వస్తే తప్పకుండా చేస్తా
cinema | Suryaa Desk | Published : Fri, Oct 31, 2025, 04:15 PM
సీనియర్ నటి కస్తూరి శంకర్ గురించి ప్రత్యేకంగా చెప్పాల్సిన పనిలేదు. ఒకప్పటి స్టార్ హీరోయిన్గా వెండితెరపై మెరిసిన ఆమె, ప్రస్తుతం బుల్లితెర కార్యక్రమాలు, సినిమాల్లో సహాయ పాత్రలు చేస్తూ బిజీగా ఉన్నారు. తాజాగా ఓ టాక్ షోలో పాల్గొన్న ఆమె, కింగ్ నాగార్జునపై తనకున్న అభిమానాన్ని బయటపెట్టి అందర్నీ ఆశ్చర్యపరిచారు. ముఖ్యంగా టీనేజ్లో నాగార్జున అంటే ఎంత పిచ్చి ప్రేమ ఉండేదో వివరిస్తూ ఆమె చెప్పిన ఓ సంఘటన ఇప్పుడు సోషల్ మీడియాలో వైరల్ అవుతోంది.ఆమె మాట్లాడుతూ, "నేను చదువుకునే రోజుల్లోనే నాగార్జున గారంటే విపరీతమైన ఇష్టం. ఒకసారి ఆయన్ను కలిసే అవకాశం వచ్చింది. ఆయన వేసుకున్న షర్ట్ కలర్ కూడా నాకు ఇంకా గుర్తుంది. ఆయనతో షేక్హ్యాండ్ చేశాక, ఆ చేయిని రెండు రోజుల పాటు కడగలేదు. ‘ఇది నాగార్జున టచ్ చేసిన చేయి’ అంటూ స్నేహితులకు చూపించి మురిసిపోయేదాన్ని" అని కస్తూరి నవ్వుతూ గుర్తుచేసుకున్నారు. ఆమె మాటలకు యాంకర్ కూడా ఆశ్చర్యపోయారు. అనంతరం, "మా జనరేషన్కు ఆయన కేవలం హీరో మాత్రమే కాదు, ఓ పెద్ద క్రష్. ఇప్పటికీ ఆయనలో ఆ యంగ్ లుక్, చార్మ్ ఏమాత్రం తగ్గలేదు" అంటూ నాగార్జునను ఆకాశానికెత్తేశారు. ‘నాగార్జునతో రొమాంటిక్ సీన్లో నటించే అవకాశం వస్తే చేస్తారా?’ అని యాంకర్ అడగ్గా, "అది బెస్ట్ థింగ్. అలాంటి అవకాశం వస్తే వదులుకుంటానా? ఆయన చాలా ప్రొఫెషనల్, జెంటిల్మెన్. ఆయనతో నటించడం ఏ హీరోయిన్కైనా సౌకర్యంగా ఉంటుంది. నేను ఎప్పుడూ సిద్ధమే" అని స్పష్టం చేశారు.
|
|