తన వ్యాఖ్యలు ఎవరినీ ఉద్దేశించినవి కావన్న బండ్ల
cinema | Suryaa Desk | Published : Wed, Nov 05, 2025, 07:20 PM_6171.jpg)
బండ్ల గణేశ్ తన వ్యాఖ్యలపై క్షమాపణలు తెలిపారు. ఇటీవల 'కె రాంప్' సినిమా సక్సెస్ మీట్లో తాను చేసిన ప్రసంగం కొంత వివాదాస్పదం కావడంతో ఆయన స్పందించారు. తన మాటల వల్ల ఎవరైనా బాధపడి ఉంటే క్షమించాలని కోరుతూ ఒక ప్రకటన విడుదల చేశారు.ఈ విషయంపై బండ్ల గణేశ్ స్పందిస్తూ ఇటీవల 'కె రాంప్' సినిమా సక్సెస్ మీట్లో నేను మాట్లాడిన మాటలు కొందరిని బాధపెట్టాయని తెలిసింది. నేను ఎవరినీ ఉద్దేశించి మాట్లాడలేదు. నా ఉద్దేశం అందరూ బాగుండాలి, కళామాత ఆశీస్సులతో అందరం పైకి రావాలని మాత్రమే అని వివరణ ఇచ్చారు.తన మాటల వెనుక ఎలాంటి దురుద్దేశం లేదని స్పష్టం చేశారు. పరిశ్రమలో అందరూ కలిసికట్టుగా ఉండాలని ఆకాంక్షించారు. ఈ క్రమంలో ఎవరైనా తన వ్యాఖ్యల వల్ల నొచ్చుకుని ఉంటే క్షమించాలని కోరారు.ఎవరైనా బాధపడి ఉంటే క్షమాపణలు అని తన ప్రకటనలో పేర్కొన్నారు. బండ్ల గణేశ్ క్షమాపణ చెప్పడంతో ఈ వివాదం ముగిసినట్టేనని పలువురు భావిస్తున్నారు. కె రాంప్' కార్యక్రమంలో బండ్ల గణేశ్ మాట్లాడుతూ ఒకప్పుడు నా దగ్గర సినిమాల్లో అవకాశాలు అడిగిన వాళ్లు ఇప్పుడు పెద్ద హీరోలయ్యారు" అంటూ ఆసక్తికర వ్యాఖ్యలు చేశారు. ఆయన మాట్లాడిన తీరు, సందర్భాన్ని బట్టి ఆ వ్యాఖ్యలు యువ హీరో విజయ్ దేవరకొండను ఉద్దేశించినవేనని పలు మీడియా సంస్థలు కథనాలు ప్రచురించాయి. సోషల్ మీడియాలోనూ దీనిపై పెద్ద ఎత్తున ప్రచారం జరిగింది. దీంతో ఈ విషయం టాలీవుడ్లో చర్చనీయాంశంగా మారింది. ఈ నేపథ్యంలోనే ఆయన తాజాగా వివరణ ఇచ్చే ప్రయత్నం చేశారు.
|
|